అంధురాలిగా నయన్.. షాకిస్తోందే!

దక్షిణాది స్టార్ హీరోయిన్ గా గుర్తింపు తెచ్చుకున్న నయనతార.. లేడీ ఓరియెంటెడ్ సినిమాలకు కేరాఫ్ అడ్రెస్ గా మారింది. లేడీ సూపర్ స్టార్ గా ఎదిగిన నయన్ ఈరోజు పుట్టినరోజు వేడుకలు జరుపుకుంటుంది. ఈ సందర్భంగా ఆమె నటించిన ‘నేత్రికన్’ సినిమా టీజర్ ని రిలీజ్ చేశారు. టీజర్ ని బట్టి ఇదొక సైకో కిల్లర్ స్టోరీ అని తెలుస్తోంది. అమాయకపు అమ్మాయిలను టార్గెట్ చేసి వారిని ఎత్తుకెళ్లి దారుణంగా చంపేస్తుంటాడు ఓ సైకో. హీరోయిన్ కూడా అలానే సైకో కిల్లర్ బారిన పడుతుంది.

అంధురాలైన హీరోయిన్ ఆ సైకో నుండి ఎలా బయట పడుతుందనేదే కథ. ఈ పాత్రలో నయనతార కనిపించనుంది. టీజర్ లో సన్నివేశాలు ఆసక్తిని రేకెత్తిస్తున్నారు. కొన్ని విజువల్స్ ఒళ్లు గగుర్పొడిచే విధంగా ఉన్నాయి. అమ్మాయిలను సైకో కిల్లర్ హింసించే తీరుని భయానకంగా చూపించారు. అటువంటి కిల్లర్ కి దొరకకుండా అతడి ఎత్తులకు.. పైఎత్తులు వేస్తూ హీరోయిన్ తప్పించుకునే సీన్లను టీజర్లో చూపించారు. ఈ సన్నివేశాలను బ్యాక్ గ్రౌండ్ స్కోర్ మరింత ఎలివేట్ చేసింది.

అంధురాలి పాత్రలో నయనతార పెర్ఫార్మన్స్ ఆకట్టుకుంటోంది. గతంలో సిద్ధార్థ్ హీరోగా నటించిన ‘గృహం’ సినిమాను డైరెక్ట్ చేసి సక్సెస్ అందుకున్న మిలింద్ రావు ఈ సినిమాని డైరెక్ట్ చేస్తున్నారు. నయనతార ప్రియుడు విఘ్నేష్ శివన్ ఈ సినిమాను నిర్మించడంతో పాటు సినిమాలో అన్ని పాటలు తనే రాశాడు. నయన్ సినిమాలను తెలుగులో డబ్ చేసి రిలీజ్ చేస్తుంటారు కాబట్టి ఈ సినిమాను కూడా తెలుగులో విడుదల చేసే ఛాన్స్ ఉంది.

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!