దేవి పాట కంటే చిరు ఆట అదిరింది !!

“ఖైదీ నెం 150” నుంచి నిన్న విడుదల చేసిన “అమ్మడు లెట్స్ డు కుమ్ముడు” పాటకి మెగా ఫ్యాన్స్ నుంచి విశేషమైన రెస్పాన్స్ వస్తుంది. చిరంజీవి డ్రెస్సింగ్ స్టైల్ కి అందరూ ఫిదా అయిపోయారు. కాజల్ కూడా కైపెక్కించే అందాలతో కనువిందు చేస్తోంది. ఆడియో సాంగ్ లో ఉన్న స్టిల్సే ఈరేంజ్ లో హంగామా చేస్తుంటే.. ఇక వీడియో చూస్తే వీరాభిమానులందరూ ఆనందంతో ఊగిపోవడం ఖాయమని చెప్పడంలో డౌటే లేదు. అయితే.. కొంతమంది మాత్రం ఎంత మాస్ సినిమా అయినా “అమ్మడు.. కుమ్ముడు” ఏంటండీ అంటూ తిట్టుకొంటున్నారు. చిరంజీవి వయసుకు కాకపోయినా ప్రస్తుత రాజ్యసభ సభ్యుడిగా ఆయన హోదాకు గౌరవం ఇచ్చి ఉంటే ఇలాంటి బూతు అర్ధం వచ్చే పాటలు రాయకుండా ఉండాల్సింది అంటూ కొంతమంది వ్యాఖ్యానిస్తున్నారు. ఈ పాటకి మ్యూజిక్ తోపాటు.. లిరిక్స్ కూడా దేవిశ్రీప్రసాద్ రాయడం విశేషం.

కుర్ర హీరోలకైతే పర్లేదు కానీ.. అగ్ర కథానాయకుడు, సంఘంలో పెద్ద మనిషిగా వ్యవహరింపబడే చిరంజీవికి ఇలాంటి సాహిత్యం సూట్ అవ్వలేదని అంటున్నారు. అయితే.. మెగా అభిమానులు మాత్రం థియేటర్ లో జనాలకు ఊపు రావాలంటే ఈమాత్రం మసాలా కంపల్సరీ అంటూ.. ఇప్పట్నుంచే చిరు చిందులు మొదలెట్టేశారు. ఇకపోతే.. డిసెంబర్ 25న డైరెక్ట్ గా మార్కెట్ లోకి విడుదల కానున్న ఈ చిత్రానికి సంబందించిన “ప్రీ రిలీజ్” ఫంక్షన్ ను హైద్రాబాద్ లేదా విజయవాడలో జనవరి మొదటివారంలో నిర్వహించి.. జనవరి 12న చిత్రాన్ని విడుదల చేసేందుకు సన్నాహాలు జరుగుతున్నాయి!

Also, do SUBSCRIBE to our YouTube channel to get latest Tollywood updates.