మరో రెండు రోజుల్లో విడుదల కాబోతుంది.. మహేష్ బాబు 25 వ చిత్రం ‘మహర్షి’. ఇప్పటికే ‘మహర్షి’ విడుదల సందడి కూడా మొదలైపోయింది. మహేష్ బాబు ల్యాండ్ మార్క్ చిత్రం కావడంతో ఈ చిత్రాన్ని భారీ స్థాయిలో విడుదల చేయాలని చిత్ర యూనిట్ ప్లాన్ చేస్తుంది. తెలుగు రాష్ట్రాలతో పాటూ తమిళ్ లో కూడా ఈ చిత్రాన్ని విడుదల చేయాలని ప్లాన్ చేస్తున్నారు. అక్కడ కూడా పెద్ద సినిమాలు, కొత్త సినిమాలు ఏమీ లేకపోవడం.. అందులోనూ మహేష్ కి కూడా అక్కడ మార్కెట్ ఉండడంతో దీన్ని క్యాష్ చేసుకోవాలని చిత్ర యూనిట్ భావిస్తుంది.
అయితే అక్కడ కొన్ని సమస్యలు వచ్చి పడ్డాయని తాజా సమాచారం. చైన్ గా ఫేమస్ అయిన వెట్రి సినిమా యాజమాన్యం ‘మహర్షి’ చిత్రాన్ని ప్రదర్శించేందుకు సిద్ధంగా లేదట. ఈ చిత్రం బయ్యర్ కు తమకు మధ్య షేరింగ్ పెర్సెన్టేజ్ విషయంలో సముఖత లేకపోవడం వలనే ఈ నిర్ణయం తీసుకున్నట్టు టాక్ వినిపిస్తుంది. ‘జికే సినిమాస్’ కూడా ఇలానే ఆలోచిస్తుందట. ప్రస్తుతం ఈ ఇష్యూ పై డిస్కషన్లు జరుగుతున్నాయట. రేపటికంతా సెట్ అయ్యిపోతే ‘మహర్షి’ కి అక్కడ కూడా ఓపెనింగ్స్ మంచిగా వచ్చే అవకాశం ఉందనడంలో సందేహం లేదు. మరి చివరికి ఏం జరుగుతుందో చూడాలి.
