తెలుగు రాష్ట్రాల్లో భారీ స్థాయిలో ఫ్యాన్ ఫాలోయింగ్ కలిగిన హీరోల్లో పవర్ స్టార్ పవన్ కళ్యాణ్ ఒకరు. పవన్ కళ్యాణ్ సినిమా రిలీజైతే బాక్సాఫీస్ వద్ద కొత్త కలెక్షన్ల రికార్డులు నమోదవుతాయి. పవన్ కళ్యాణ్ నటించిన వకీల్ సాబ్ మూవీ ఈ నెల 18వ తేదీన ప్రముఖ ఎంటర్టైన్మెంట్ ఛానల్ జీ తెలుగులో ప్రసారమవుతున్న సంగతి తెలిసిందే. పింక్ మూవీకి రీమేక్ గా తెరకెక్కిన వకీల్ సాబ్ భారీ ఓపెనింగ్స్ సాధించగా ఈ సినిమాకు 90 కోట్ల రూపాయల షేర్ కలెక్షన్లు వచ్చాయి.
జీ తెలుగు నిర్వాహకులు భారీ కటౌట్లతో వకీల్ సాబ్ వరల్డ్ టెలివిజన్ ప్రీమియర్ కు భారీగా ప్రమోషన్స్ చేస్తున్నారు. హైదరాబాద్ పరిసర ప్రాంతాల్లో భారీ కటౌట్స్ తరహాలో పెయింటింగ్స్ దర్శనమిస్తున్నాయి. టెలివిజన్ ప్రీమియర్ కోసం ఈ స్థాయిలో ప్రమోషన్స్ ఇప్పటివరకు మరే సినిమాకు జరగలేదు. పవన్ బుల్లితెరపై కూడా టీఆర్పీతో కొత్త రికార్డులు క్రియేట్ చేసే అవకాశాలు అయితే కనిపిస్తుండటం గమనార్హం.
మరోవైపు పవన్ శరవేగంగా సినిమాల్లో నటిస్తూ వచ్చే ఏడాది ఫస్ట్ హాఫ్ లో ఆయ్యప్పనుమ్ కోషియమ్ రీమేక్, హరిహర వీరమల్లు రిలీజ్ చేయాలని భావిస్తున్నారు. వచ్చే ఏడాది సెకండాఫ్ లో పవన్ హరీష్ శంకర్ కాంబినేషన్ సినిమా కూడా రిలీజ్ కానుందని తెలుస్తోంది. త్వరలో పవన్ హరీష్ కాంబో మూవీ షూటింగ్ మొదలయ్యే అవకాశాలు ఉన్నాయని సమాచారం. గబ్బర్ సింగ్ తర్వాత పవన్ హరీష్ కాంబోలో వస్తున్న మూవీ కావడంతో ఈ సినిమాపై భారీగా అంచనాలు నెలకొన్నాయి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home