పవర్ స్టార్ పవన్ కళ్యాణ్ హీరోగా నటించిన కొమరం పులి సినిమాతో తెలుగులో నికిషా పటేల్ మంచి గుర్తింపును సంపాదించుకున్నారు. కొమరం పులి సినిమా బాక్సాఫీస్ వద్ద సక్సెస్ సాధించకపోయినా నికిషా పటేల్ నటనకు మంచి మార్కులే పడ్డాయి. తెలుగుతో పాటు ఇతర భాషల సినిమాల్లో కూడా నటించి పాపులారిటీని పెంచుకున్న ఈ నటి తాజాగా సోషల్ మీడియా ద్వారా ఫ్యాన్స్ తో ముచ్చటించారు. మహేష్ బాబు గురించి ఏమైనా చెప్పాలని ఒక ఫ్యాన్ అడగగా ఒకే లైన్ లో ఫెయిర్‌ అండ్‌ లవ్లీ అని నికిషా సమాధానం ఇచ్చారు.
ప్రభాస్ గురించి చెప్పాలని మరో ఫ్యాన్ కోరగా ప్రభాస్ చాలా పొడుగ్గా ఉంటాడని తనకు ప్రభాస్ మంచి ఫ్రెండ్ అని ఆమె చెప్పుకొచ్చారు. ఒకే ఒక మాటలో రజనీకాంత్ గురించి చెప్పాలంటే ఆయన కింగ్ అని నికిషా పటేల్ కామెంట్లు చేశారు. తన ఫేవరెట్ యాక్టర్ మాత్రం ధనుష్ అని ఈ నిర్ణయం ఎప్పటికీ మారదని నికిషా తెలిపారు. పవన్ కళ్యాణ్ గురించి చెప్పాలని మరో ఫ్యాన్ కోరగా పవన్ కళ్యాణ్ గడ్డం అంటే తనకు చాలా ఇష్టమని నికిషా అన్నారు.
మెగాస్టార్ గురించి చెప్పాలని మరో నెటిజన్ అడగగా ఏ మెగాస్టార్ గురించి అడుగుతున్నారని ఆమె రివర్స్ లో ప్రశ్నించారు. ఇండస్ట్రీలో చాలామంది మెగాస్టార్లు ఉన్నారని ఆమె కామెంట్లు చేశారు. అయితే సరైన అవగాహన లేక ఆమె అలా చెప్పి ఉండవచ్చని కొందరు చెబుతున్నారు. మరి కొందరు మాత్రం ఇలాంటి కామెంట్లు చేయడం వల్లే నికిషా పటేల్ కు సినిమా ఆఫర్లు ఎక్కువగా రావడం లేదని అభిప్రాయపడ్డారు. త్వరలో ఈ బ్యూటీ యూకేకు చెందిన వ్యక్తిని పెళ్లి చేసుకోనున్నారు.
నికిషా పటేల్ కు ప్రేక్షకుల్లో ఫ్యాన్ ఫాలోయింగ్ మాత్రం బాగానే ఉంది. సినిమాలలో ఆఫర్లు లేకపోయినా సోషల్ మీడియాలో యాక్టివ్ గా ఉండటం ద్వారా నికిషా పటేల్ క్రేజ్ ను అంతకంతకూ పెంచుకుంటున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
