Nikhil: ఇంటర్ రిజల్ట్ ఎఫెక్ట్.. వైరల్ అవుతున్న నిఖిల్ పోస్ట్!

టాలీవుడ్ ఇండస్ట్రీలోని ప్రముఖ హీరోలలో ఒకరైన నిఖిల్ (Nikhil) ప్రస్తుతం స్వయంభూ (Swayambhu) అనే సినిమాలో నటిస్తున్నారు. ఈ సినిమాపై ఒకింత భారీ స్థాయిలో అంచనాలు నెలకొన్నాయి. సోషల్ మీడియాలో సైతం యాక్టివ్ గా ఉండే నిఖిల్ కొన్ని విషయాల గురించి తన అభిప్రాయాలను పంచుకుంటూ వార్తల్లో నిలుస్తున్నారు. ఏపీలో తాజాగా ఇంటర్ ఫలితాలు విడుదల కాగా పరీక్షల్లో ఆశించని ఫలితాలు రాని విద్యార్థులు తల్లీదండ్రులకు బాధను మిగిల్చే నిర్ణయాలను తీసుకుంటున్నారు.

అలాంటి విద్యార్థులకు నిఖిల్ సందేశం ఇచ్చారు. లైఫ్ లో సక్సెస్ కావాలంటే పరీక్షలే అవసరం లేదని నిఖిల్ పేర్కొన్నారు. హ్యాపీడేస్ (Happy Days) సినిమాలో రాజేష్ పాత్రను చూశారుగా ఒక్క ఇంగ్లీష్ పోయెమ్ తో సాఫ్ట్ వేర్ కంపెనీలో జాబ్ సాధించాడని నిఖిల్ చెప్పుకొచ్చారు. అలా ప్రతి ఒక్కరూ తమ దారిలో గొప్ప విజయాలను సొంతం చేసుకుంటారని నిఖిల్ సోషల్ మీడియా వేదికగా కామెంట్లు చేశారు.

అవకాశాలను వినియోగించుకోవాలని ధైర్యంగా ఉండాలని నిఖిల్ పోస్ట్ చేయగా ఆ పోస్ట్ నెటిజన్లను ఎంతగానో ఆకట్టుకుంటోంది. ఒక నెటిజన్ ఇంటర్ పరీక్షలలో చాలామంది ఫెయిల్ అయిపోయారని ఒక మోటివేషనల్ ట్వీట్ పెట్టండి అంటే ఈ కామెంట్ చేశారు. నిఖిల్ స్వయంభూ సినిమాతో మరో భారీ సక్సెస్ ను అందుకుంటారని ఫ్యాన్స్ ఫీలవుతుండటం గమనార్హం. ఠాగూర్ మధు సమర్పణలో ఈ సినిమా తెరకెక్కుతోంది.

భరత్ కృష్ణమాచారి (Bharat Krishnamachari) డైరెక్షన్ లో ఈ సినిమా తెరకెక్కుతుండటం గమనార్హం. యుద్ధభూమిలో శత్రువులతో పోరాడుతున్న యోధుడి పాత్రలో నిఖిల్ ఈ సినిమాలో కనిపించనున్నారు. నిఖిల్ 20వ సినిమాగా అత్యంత భారీ బడ్జెట్ తో తెరకెక్కుతోంది. మనోజ్ పరమహంస ఈ సినిమాకు సినిమాటోగ్రాఫర్ గా వ్యవహరిస్తున్నారు. స్వయంభూ సినిమా పాన్ ఇండియా మూవీగా రిలీజ్ కానుంది. నిఖిల్ ఇతర భాషల్లో సైతం సక్సెస్ కావాలని ఫ్యాన్స్ కోరుకుంటున్నారు. నిఖిల్ ను అభిమానించే ఫ్యాన్స్ సంఖ్య పెరుగుతోంది.

https://twitter.com/actor_Nikhil/status/1779061708230635920