నితిన్… పవన్ కళ్యాణ్ కి వీరాభిమాని అని ప్రత్యేకంగా చెప్పాల్సిన పనిలేదు. తన ప్రతి సినిమాలో నితిన్ .. పవన్ కళ్యాణ్ రిఫరెన్స్ వాడతాడు అనేది అక్షర సత్యం. స్వయంగా నితినే ఈ విషయాన్ని ‘భీష్మ’ సినిమా ప్రమోషన్ల టైంలో చెప్పుకొచ్చాడు. కానీ ఎందుకో ఇప్పుడు పవన్ కళ్యాణ్ రిఫరెన్స్ వాడుతున్నా.. అది చెప్పుకోడానికి ఇబ్బంది పడుతున్నట్లు కనిపిస్తుంది. అందుకు ఈరోజు జరిగిన ‘ఎక్స్ట్రా’ సాంగ్ లాంచ్ ఈవెంట్ ను ఉదాహరణగా చెప్పుకోవచ్చు.
విషయం ఏంటంటే.. ‘మీ ప్రతి సినిమాలో పవన్ రిఫరెన్స్ వాడతారు కదా?’ అంటూ ఓ రిపోర్టర్ నితిన్ ను ప్రశ్నిస్తూ ఉండగా.. ఇంతలో నితిన్ కలుగజేసుకుని ‘నేను కాదు మీరే అడుగుతారు, మళ్ళీ థంబ్ నైల్స్ లో దాని గురించి పెట్టుకుని వైరల్ చేసుకుంటారు’ అంటూ కొంచెం గట్టిగానే సమాధానం చెప్పాడు. ఇదే క్రమంలో మరో రిపోర్టర్ ‘మీరు రాబోయే ఏపీ ఎన్నికల్లో జనసేన పార్టీకి మద్దతు పలుకుతారా?’ అంటూ ప్రశ్నించాడు.
దీనికి నితిన్ (Nithiin) ‘ నేను సపోర్ట్ చేస్తే ఆయన గెలిచేస్తాడా. నా రేంజ్ ఆయన కంటే గొప్పదా. ఆయన ఒక్కరు చాలు’ అంటూ మళ్ళీ ఘాటుగా సమాధానం చెప్పాడు. ప్రస్తుతం పవన్ కళ్యాణ్ రాజకీయాల్లో అనేక వివాదాలు, విమర్శలు ఫేస్ చేస్తున్న సందర్భంలో నితిన్ వాటికి దూరంగా ఉండాలని ఇలా స్పందించినట్టు ఉన్నాడు. లేకపోతే తన నెక్స్ట్ సినిమాకి ‘తమ్ముడు’ అనే టైటిల్ ను ఎలా పెట్టుకుంటాడు. ‘ఎక్స్ట్రా’ లో తమ్ముడు గెటప్ ఎలా వేసుకుంటాడు?
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
