పవన్ ముందు నటించడానికి టెన్షన్ పడ్డా – నితిన్

పవర్ స్టార్ పవన్ కళ్యాణ్ ను అభిమానించే హీరోలలో నితిన్ ముందు వరుసలో ఉంటాడు. పవన్ అంటే ఎంత అభిమానమో ఆయన పలు సందర్భాల్లో వివరంగా చెప్పాడు కూడా. అయితే పవన్ ముందు నటించడానికి కాస్త టెన్షన్ పడ్డానని నితిన్ చెప్పుకొచ్చాడు. త్రివిక్రమ్ దర్శకత్వంలో ‘అ..ఆ’ చిత్రం తెరకేక్కుతుండగా..

ఈ చిత్ర షూటింగ్ స్పాట్ లో పవన్ కాసేపు చిత్ర బృందంతో గడిపాడు. ‘పవన్ అఆ సెట్స్ కు రావడాన్ని నమ్మలేక పోతున్నాను. ఈ ఆనందాన్ని మాటల్లో చెప్పలేను. ఆయన ముందు నటించాలంటే కాస్త టెన్షన్ పడ్డాన’ని నితిన్ తన సామాజిక మాధ్యమాల్లో తెలిపాడు. ఇంతకీ పవన్ అ..ఆ సెట్స్ కు ఎందుకు వచ్చాడు అంటే మాత్రం .. ఎస్ జె సూర్య చిత్రం తరువాత పవన్ త్రివిక్రమ్ దర్శకత్వంలో నటించనున్నాడని, ఈ విషయమై పవన్.. త్రివిక్రమ్ తో మాట్లాడడానికి వచ్చాడని టాక్. కాగా రాదా కృష్ణ నిర్మిస్తున్న ఈ చిత్రం త్వరలోనే ప్రేక్షకుల ముందుకు రానుంది.