Nithiin, Kamal Haasan: కమల్ సినిమా నితిన్ జాతకాన్ని మార్చిందా?

కమల్ హాసన్ హీరోగా లోకేష్ కనకరాజ్ డైరెక్షన్ లో తెరకెక్కిన విక్రమ్ సినిమాపై రిలీజ్ కు ముందు పెద్దగా అంచనాలు లేవు. ఈ సినిమా తెలుగు హక్కులను టాగోర్ మధు, ఆస్ట్రేలియా డిస్ట్రిబ్యూటర్ వెంకట్, హీరో నాని మేనేజర్ వెంకట్, నితిన్ కొనుగోలు చేశారు. ఆరు కోట్లకు హక్కులను కొనుగోలు చేయగా విడుదలకు ముందే సీడెడ్, ఆంధ్ర హక్కులను 5 కోట్ల రూపాయలకు అమ్మేశారు. నైజాం ఏరియాను మాత్రం సొంతంగా డిస్ట్రిబ్యూషన్ చేసుకున్నారు.

కమిషన్ పద్ధతిలో దిల్ రాజు ఈ సినిమాను నైజాంలో విడుదల చేయగా ఫస్ట్ వీకెండ్ లో నైజాంలో ఈ సినిమా 2 కోట్ల రూపాయలకు పైగా షేర్ కలెక్షన్లను సాధించింది. ఫుల్ రన్ లో నైజాంలో ఈ సినిమా ఐదు నుంచి 6 కోట్ల రూపాయల షేర్ కలెక్షన్లను సాధించే ఛాన్స్ అయితే ఉంది. నితిన్, నితిన్ తండ్రికి ఈ సినిమా ద్వారా కోటి నుంచి కోటిన్నర వరకు లాభం దక్కనుంది. పెట్టిన పెట్టుబడికి రెట్టింపు లాభం వస్తుండటంతో నితిన్ ఫ్యామిలీ సంతోషిస్తోందని తెలుస్తోంది.

ఒక విధంగా కమల్ సినిమా నితిన్ జాతకాన్ని మార్చిందనే చెప్పాలి. హీరోగా కూడా నితిన్ విజయాలను అందుకోవాలని ఆయన ఫ్యాన్స్ కోరుకుంటున్నారు. నితిన్ హీరోగా ప్రస్తుతం మాచర్ల నియోజకవర్గం అనే సినిమా తెరకెక్కుతోంది. భారీ బడ్జెట్ తో ఈ సినిమా తెరకెక్కుతుండగా ఈ సినిమాపై మంచి అంచనాలు నెలకొన్నాయి. నితిన్ కు జోడీగా ఈ సినిమాలో కృతిశెట్టి నటిస్తున్నారనే సంగతి తెలిసిందే.

కృతిశెట్టి ఇప్పటివరకు తెలుగులో నటించిన సినిమాలలో ఒక్క సినిమా కూడా ఫ్లాప్ కాలేదు. అభినయ ప్రధాన పాత్రలకు మాత్రమే కృతిశెట్టి ఓటేస్తున్నా ఆమెకు తెలుగులో మంచి ఆఫర్లు వస్తున్నాయి. యంగ్ హీరోలు, మిడిల్ రేంజ్ హీరోలు కృతిశెట్టిని తమ సినిమాలలో తీసుకోవడానికి ఆసక్తి చూపిస్తున్నారు. ఈ ఏడాదే మాచర్ల నియోజకవర్గం థియేటర్లలో విడుదల కానుందని సమాచారం అందుతోంది.

మేజర్ సినిమా రివ్యూ & రేటింగ్!

Most Recommended Video

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!