పవన్ కళ్యాణ్ 25వ చిత్రంగా మొదలైన “అజ్ణాతవాసి” (వర్కింగ్ టైటిల్) మధ్యలో పవన్ రాజకీయ యాత్రలు మరియు మీటింగుల కారణంగా కాస్త డిలే అయిన విషయం తెలిసిందే. దాంతో దర్శకనిర్మాతలు పవన్ కళ్యాణ్ బర్త్ డే సందర్భంగా విడుదలైన టీజర్ లో ప్రకటించినట్లుగా సినిమా సంక్రాంతికి రావడం కష్టమని.. అందువల్ల సినిమాను ఫిబ్రవరి లేదా మార్చికి పోస్ట్ పోన్ చేశారని చాలామంది అనుకోగా.. కొందరు గాసిప్పురాయుళ్ళు మాత్రం “పవన్ సినిమా వాయిదా” అని అఫీషియన్ ప్రెస్ నోట్ కంటే పెద్ద స్థాయిలో ప్రచారం మొదలెట్టారు.
ఈ విషయంలో కాస్త లేట్ గా స్పందించిన పవన్ కళ్యాణ్ పి.ఆర్ టీం “సినిమా విడుదల విషయంలో ఎలాంటి వాయిదా లేదు, ముందే ప్రకటించినట్లుగా జనవరి 10వ తారీఖున సినిమా విడుదలవ్వడం ఖాయం” అంటూ ట్విట్టర్ ద్వారా కన్ఫర్మేషన్ ఇచ్చారు. దాంతో పవన్ కళ్యాణ్ అభిమానుల్లో నెలకొన్న సందిగ్ధత తొలగిపోయి ట్రైలర్, ఆడియో రిలీజ్ డేట్స్ ఎప్పుడా అని ఎదురుచూడడం ప్రారంభించారు. ఇకపోతే.. పవన్ త్వరలో యూరప్ లో సాంగ్స్ షూట్ పూర్తి చేసి నవంబర్ నెలాఖరుకు పేకప్ చెప్పి.. డిసెంబర్ రెండోవారంలో ఆడియో విడుదల చేసేందుకు సన్నద్ధమవుతున్నట్లు అఫీషియల్ న్యూస్. సో, డియర్ పవర్ స్టార్ ఫ్యాన్స్ డిసెంబర్ నుంచి పవర్ సంబరాలు మొదలవుతాయన్నమాట.
Home