మళ్ళీ పవన్ కళ్యాణ్ డైరెక్టర్ కే ఛాన్స్ ఇచ్చిన తారక్!

పవన్ కళ్యాణ్ కి ఎన్టీయార్ కి మధ్య అనుబంధం ఎలాగుందో తెలియదు కానీ.. వారిద్దరి అవినాభావ సంబంధం మాత్రం తప్పకుండా ఉండే ఉంటుంది. అందుకే పవన్ కళ్యాణ్ తో సినిమాలు తీసిన డైరెక్టర్లకే ఎన్టీయార్ అగ్ర తాంబూలం ఇస్తుంటాడు. “గబ్బర్ సింగ్” అనంతరం హరీష్ శంకర్ ను పిలిచి మరీ “రామయ్యా వాస్తావయ్యా” చిత్రానికి దర్శకత్వం వహించే అవకాశమిచ్చిన ఎన్టీయార్.. ఇప్పుడు మరోసారి పవన్ కళ్యాణ్ తో “సర్దార్ గబ్బర్ సింగ్” చిత్రాన్ని తెరకెక్కించిన బాబీకి అవకాశమిచ్చాడట.

“జనతా గ్యారేజ్” అనంతరం ఎన్టీయార్ సినిమా ఎవరితో అనే అంశంపై పలు చర్చలు జరిగాయి. త్రివిక్రమ్ అని కొందరు, వక్కంతం వంశీ ని కొందరు చెప్పుకొచ్చారు. అయితే.. వారెవర్నీ కాకుండా రైటర్ టర్నడ్ డైరెక్టర్ బాబీకి అవకాశం ఇవ్వడం ఇప్పుడు చర్చనీయాంశం అయ్యింది. “సర్దార్ గబ్బర్ సింగ్” లాంటి డిజాస్టర్ అందించిన బాబీ ఆ తర్వాత రవితేజతో చేయాల్సిన సినిమా క్యాన్సిల్ అవ్వడంతో బాధపడుతూ వచ్చాడు. అలాంటిది ఇప్పుడు ఎన్టీయార్ తన కథను ఒకే చేయడంతో ఆనందంతో ఉక్కిరిబిక్కిరవుతున్నాడట. మరి బాబీ చెప్పిన కథ ఏమిటి, ఎన్టీయార్ అందుకు అలా ఫిక్స్ అయిపోయాడు అనే విషయాలు తెలియాలంటే కొంతకాలం ఆగాల్సిందే!

Also, do SUBSCRIBE to our YouTube channel to get latest Tollywood updates.