కసరత్తు చేసి షూటింగ్ లోకి అడుగుపెడుతున్న ఎన్టీఆర్, రామ్ చరణ్!

ఇప్పుడు ప్రేక్షకులను అలరించడం అంత తేలికేమి కాదు. రొటీన్ గా కనిపిస్తే ఫ్యాన్స్ సైతం సినిమాలను వెనక్కి పంపించేస్తున్నారు. అందుకే టాలీవుడ్ హీరోలు చాలా కసరత్తు చేసి రంగంలోకి దిగుతున్నారు. జనతా గ్యారేజ్ తో హ్యాట్రిక్ అందుకున్న ఎన్టీఆర్ హడావుడిగా సినిమాని ఒకే చెయ్యలేదు. వినూత్న కథ ను సెలక్ట్ చేయడానికి టైం తీసుకున్నారు. అంతేకాదు అందులో లుక్ కోసం కొన్ని రోజులుగా శ్రమిస్తున్నారు. హాలీవుడ్ నిపుణుల సలహాలు కూడా తీసుకొని మరి రూపాన్ని స్టైల్ గా మార్చుకుంటున్నారు. బాబీ దర్శకత్వంలో ఆయన ఫ్రెష్ లుక్ తో ఆకట్టుకోనున్నారు. లుక్ ఫైనల్ కావడంతో ఈనెల తొమ్మిది నుంచి షూటింగ్ లో తారక్ పాల్గొననున్నారు. మెగా పవర్ స్టార్ రామ్ చరణ్ తేజ్ ధృవ కోసం చాలా కష్టపడ్డాడు.

ఇప్పుడు సుకుమార్ దర్శకత్వంలో కూల్ లుక్ కోసం ప్రయత్నిస్తున్నారు. అంత ఒకే అయినా మేకోవర్ పై సంతృప్తి లేకపోయేసరికి డైరక్టర్ షూటింగ్ వాయిదా వేసుకొచ్చారు. చివరికి సుష్మిత స్టైలిష్ గా తీసుకున్నాక, ఆమె కొన్ని లుక్స్ వివరించారు. అది నచ్చి సుకుమార్ షూటింగ్ డేట్ ఫిక్స్ చేశారు. మార్చి 20  లోపున ఇదివరకు కనిపించని లుక్ కైవశం చేసుకోవడానికి చెర్రీ శ్రమిస్తున్నారు. సో ఇద్దరూ కొన్ని రోజుల తేడాల్లోనే సెట్స్ మీదకు వెళుతున్నారు. మరి సినిమాలు కూడా ఒకేసారి రిలీజ్ అవుతాయా?

Also, do SUBSCRIBE to our YouTube channel to get latest Tollywood updates.