రజనీకాంత్ సినిమా క్లైమాక్స్ లో కేక పుట్టించనున్న తారక్

ఆరేళ్ల క్రితం శంకర్ సృష్టించిన రోబో బాక్స్ ఆఫీస్ వద్ద హంగామా సృష్టించింది. ఇప్పుడు ఆ రోబో అప్డేటెడ్ వెర్షన్ 2 .0 సిద్ధమవుతోంది. ఇందులోను సౌత్ ఇండియ‌న్ సూప‌ర్‌స్టార్ ర‌జ‌నీకాంత్ సైన్టిస్ట్ గా నటిస్తున్నారు. ఆయనకు పోటీగా బాలీవుడ్ స్టార్ హీరో అక్ష‌య్‌కుమార్ విలనిజం చూపించనున్నారు. 360 కోట్ల భారీ బ‌డ్జెట్‌తో లైకా ప్రొడ‌క్ష‌న్స్ సంస్థ నిర్మిస్తోన్నఈ మూవీ వేగంగా షూటింగ్ జరుపుకుంటోంది. రీసెంట్ గా విడుదల చేసిన ఈ చిత్రం ఫస్ట్ లుక్ అంచనాలను అమాంతం పెంచింది. దేశవ్యాప్తంగా ఆసక్తి కలిగిస్తున్న ఈ మూవీలో హీరో, విలన్ తో పాటు మరో కీలకమైన పాత్ర ఉందంట.

దానికోసం యంగ్ రెబల్ స్టార్ ప్రభాస్ ని సంప్రదించగా ఆయన సున్నితంగా తిరస్కరించినట్లు తెలిసింది. ఆ అవకాశం యంగ్ టైగర్ ఎన్టీఆర్ కి వరించింది. పాత్రకు మంచి వెయిట్ ఉండడంతో తారక్ ఒప్పుకున్నారు. 15 నిమిషాల నిడివిగల క్యారక్టర్ క్లైమాక్స్ లో వస్తుందని, దానికి ఎన్టీఆర్ ప్లస్ అవుతారని చిత్ర బృందం భావిస్తోంది. అందుకే భారీ పారితోషికం ఇవ్వనున్నట్లు సమాచారం. “ఐ” బ్యూటీ అమీ జాక్సన్ హీరోయిన్ గా నటిస్తున్న ఈ చిత్రానికి ఆస్కార్ అవార్డు గ్రహీత ఏ ఆర్ రెహమాన్ సంగీతాన్ని అందిస్తున్నారు.

Also, do SUBSCRIBE to our YouTube channel to get latest Tollywood updates.