వినాయక చవితికి అరవింద సమేత స్పెషల్ బొనాంజ!

తెలుగువారికి పండగలంటే ఎంత ప్రీతిపాత్రమైనవో ప్రత్యేకించి చెప్పాల్సిన అవసరం లేదు. ఆ పండగ వాతావరణాన్ని మన సినీ తారలు, దర్శకనిర్మాతలు బాగా యూటిలైజ్ చేసుకొంటారు. ఆ రోజున తమ సినిమా ఫస్ట్ లుక్ పోస్టర్స్, టీజర్స్, ట్రైలర్స్ విడుదల చేసి ఆ పండగ ప్రాముఖ్యతను ఇంకాస్త పెంచుతుంటారు. ఎన్టీఆర్ కూడా ఈ వినాయక చవితికి తన అభిమానులకు మంచి గిఫ్ట్ ఇవ్వాలనుకొంటున్నాడు.

ఎన్టీఆర్-త్రివిక్రమ్ ల క్రేజీ కాంబినేషన్ లో తెరకెక్కుతున్న “అరవింద సమేత” ఆడియో విడుదల వేడుకను సెప్టెంబర్ 20న ఘనంగా నందమూరి బాలకృష్ణ, సూపర్ స్టార్ మహేష్ బాబుల సమక్షంలో నిర్వహించనున్నారన్న సంగతి తెలిసిందే. ఇందుకు సంబంధించిన అఫీషియల్ ఇన్ఫర్మేషన్ తోపాటు సరికొత్త పోస్టర్స్ & స్టిల్స్ ను వినాయక చవితి సందర్భంగా విడుదల చేయనున్నారు “అరవింద సమేత” బృందం. ప్రస్తుతం హైద్రాబాద్ లో పాటల చిత్రీకరణ జరుపుకొంటున్న ఈ చిత్రబృందం ఎట్టి పరిస్థితుల్లోనూ అక్టోబర్ లో చిత్రాన్ని విడుదల చేసేందుకు ఆహారహం శ్రమిస్తోంది.