ఎన్టీఆర్, బాబీ సినిమా టైటిల్ రిలీజ్ ఎప్పుడంటే ?

బాబీ దర్శకత్వంలో ఎన్టీఆర్ నటిస్తున్న సినిమా వేగంగా చిత్రీకరణ జరుపుకుంటోంది. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో తారక్ మూడు పాత్రల్లో నటించనున్నారు. లవకుమార్ అనే పాత్రపై  రామోజీ ఫిల్మ్ సిటీ లో కొన్ని సన్నివేశాలను షూట్ చేస్తున్నారు. ఈ సినిమాకి “జై లవ కుశ” అనే టైటిల్ పరిశీలిస్తున్నారు. ఈ టైటిల్ నిజమోకాదో రెండు రోజుల్లో తెలియనుంది. శ్రీరామనవమి సందర్భంగా ఈ మూవీ లోగోని రిలీజ్ చేయనున్నారు. ‘ఏప్రిల్ 5 వ తేదీ ఉదయం 10 .30 ఎన్టీఆర్ 27  మూవీ లోగోని ఆవిష్కరిస్తామని చెప్పడానికి చాలా సంతోషిస్తున్నాను” అని కళ్యాణ్ రామ్ ట్వీట్ చేశారు.

ఇది నిజంగా తారక్ అభిమానులకు ఆనందం కలిగించే వార్త. జనతాగ్యారేజ్ తరవాత  ఎన్టీఆర్ షూటింగ్ కి ఆలస్యంగా జాయిన్ అయినప్పటికీ లోగో రిలీజ్ అవుతుండడంపై ఫ్యాన్స్ సంతోషం వ్యక్తం చేస్తున్నారు. ప్రముఖ బాలీవుడ్ సినిమాటోగ్రాఫర్ సీ కే మురళీధరన్, హాలీవుడ్ లెగసీ ఎఫెక్ట్స్ టెక్నీషియన్ వాన్సీ హార్ట్ వెల్ తదితరులు పనిచేస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.