సినిమాల్లో హీరోలకు డూప్లు ఉంటారు. ఇందులో కొత్త విషయమేమీ లేదు. ఎందుకంటే ప్రమాదకర సన్నివేశాలు తెరకెక్కించినప్పుడు ఇబ్బందులు రాకుండా డూప్లతో చేయాల్సిందే. ఇది ఇప్పటి విషయం కాదు. ఎన్నో ఏళ్లుగా టాలీవుడ్లోనే కాదు ఇండియన్ సినిమాలో జరుగుతోంది. అయితే, డూప్ల వినియోగం ఈ మధ్య బాగా పెరిగిపోయింది. బాడీ డబుల్ చేసిన సీన్ ఏది, నేరుగా హీరో చేసిన సీన్ ఏది అనేది గుర్తు పట్టడం కష్టంగా మారింది. అయితే సినిమా ప్రచారంలో మా హీరో రియల్ స్టంట్స్ అంటూ బాకా ఊదుతుంటారు దర్శకనిర్మాతలు.
అయితే అసలు విషయం తెలిసిన ఫ్యాన్స్, ప్రేక్షకులు కామ్గా ఉంటున్నారు. కానీ నెటిజన్లు / ట్రోలర్లు మాత్రం ఆ సీన్లు పట్టుకుని ట్రోల్ చేస్తుంటారు. ఇన్ని రోజులు ఈ బాధ హీరోలకు మాత్రమే ఉండేది. కానీ ఇప్పుడు హీరోయిన్కి కూడా ఇదే పరిస్థితి ఎదురైంది. ఎందుకంటే ఆ సినిమా హీరోయిన్ ఓరియెంటెడ్ సినిమా కాబట్టి. ఆ హీరోయిన్ ఎవరో కాదు ప్రముఖ కథానాయిక, రీసెంట్గా రూ.100 కోట్ల విజయం అందుకున్న ‘మా ఇంటి బంగారం’ సమంత. ఆ సినిమా ఆన్సెట్స్ వీడియో ఒకటి ఇప్పుడు సోషల్ మీడియాలో వైరల్ అవుతోంది.
సినిమాలో సమంతకు డూప్/ బాడీ డబుల్గా నటించిన ఓ మహిళకు సంబంధించి ఆన్ సెట్ వీడియో అది. సినిమాలో కీలకంగా నిలిచిన యాక్షన్ సన్నివేశాలను ఆమెనే చేశారు. అందుకు తగ్గట్టుగానే ఆ వీడియోలోని షాట్స్ ఉన్నాయి. అవును.. ఇందులో తప్పేముంది బాడీ డబుల్స్ ఉంటారుగా అనొచ్చు. అయితే రీసెంట్గా ఓ ఇంటర్వ్యూలో ‘మా ఇంటి బంగారం’ దర్శకురాలు నందిని రెడ్డి మాట్లాడుతూ సమంత ప్రెగ్నెంట్ అని తెలిశాక కార్ యాక్సిడెంట్ సీన్, ఛేజింగ్ సీన్ తీశాము అని చెప్పారు.
మరి ఆమెతో తీశాము అని చెప్పిన సీన్లకు సంబంధించిన వీడియోలో ఆమె బాడీ డబుల్ ఎందుకు ఉన్నట్లు. అంటే ఈ సినిమా టీమ్ కూడా ఈ విషయంలో అబద్దాలు చెప్పిందా?
