Bindu Madhavi vs Akhil: 7వ వారం నామినేషన్స్ ఉన్నది వీళ్లే..! హైలెట్స్ ఇవే..!

బిగ్ బాస్ నాన్ స్టాప్ ఓటీటీలో 7వ వారం నామినేషన్స్ హీటెక్కిపోయాయి. డబుల్ ఎలిమినేషన్ తర్వాత హౌస్ మేట్స్ అందరూ అలర్ట్ అయిపోయారు. ఎప్పుడోకప్పుడు ఎలిమినేట్ అవ్వాల్సిందే కదా అని , ఓపెన్ అప్ అయ్యారు. ఇప్పటికే హైస్ లో ఒకరిపై ఒకరికి కోల్డ్ వార్ అనేది నడుస్తూనే ఉంది. ఎవరికి వారే స్వార్ధంగా గేమ్ లో ముందుకు వెళ్తున్నారు. ఇలా ఉంటేనే ప్రజలు ఇష్టపడతారు అని ఫిక్స్ అయిపోయారు.

నటరాజ్ మాస్టర్, అషూ, అరియానా, బిందు, అఖిల్, మహేష్ ఇలా ఎవరికి వారే ఇండివెడ్యువల్ గేమ్ ఆడుతున్నారు. ఈ నేపథ్యంలో ఏడో వారం ఆసక్తికరమైన నామినేషన్స్ జరిగినట్లుగా టాక్ వినిపిస్తోంది. బిగ్ బాస్ ఒక ఛైర్ ని పెట్టి జంటలు జంటలుగా పిలిచి ఒకరిని నామినేట్ చేసుకోమని చెప్పాడు. ఇంట్లో ఉండే అర్హత ఎవరికి ఉందో వాదన పెట్టుకోమని చెప్పాడు. దీంతో హౌస్ మేట్స్ జంటలు గా వచ్చి వాదించుకున్నారు.

ఫస్ట్ అనిల్ హమీదా ఇద్దరూ వచ్చారు. గేమ్ గురించి టాస్క్ గురించి వాగ్వివాదం చేసుకున్నారు. అయితే, ఇక్కడ హమీదా సేఫ్ అయ్యి అనిల్ నామినేట్ అయినట్లుగా సమాచారం. అలాగే, నటరాజ్ మాస్టర్ ఇంకా యాంకర్ శివ ఇద్దరిలో నటరాజ్ మాస్టర్ నామినేషన్ లోకి వచ్చారు. యాంకర్ శివ సేఫ్ అయ్యాడు. ఇద్దరి మద్యలో బీభత్సమైన ఆర్గ్యూమెంట్ అయితే జరిగింది. అలాగే మద్యలో వచ్చిన బిందు కూడా గట్టిగా వాదించింది. ఇక్కడ బిందు ఇంకా అఖిల్ ఇద్దరూ నామినేషన్స్ లోకి వచ్చినపుడు ఇద్దరూ చాలాసేపు వాదించుకున్నారు.

చివరకి అఖిల్ నామినేట్ అయితే బిందుమాధవి సేఫ్ అయ్యింది. ఇక్కడే హీటెడ్ ఆర్గ్యూమెంట్ జరిగింది. మద్యలో స్రవంతి ఎమోషన్ ని నువ్వు యూజ్ చేస్కున్నావ్ అంటూ బిందుమాధవి అఖిల్ పై నింద వేసింది. దీంతో అఖిల్ రెచ్చిపోయాడు. మాటకి మాట ఇద్దరూ చాలాసేపు వాదించుకున్నారు. ఇక్కడే ఒరేయ్ అఖిల్ గా చెప్పరా అంటూ బిందు ఫైర్ అయితే, ఒసేయ్ బిందు అంటూ అకిల్ మాట్లాడాడు. సందర్భం ఏదైనా కూడా ఇద్దరూ బద్ద శత్రువుల్లాగా మారిపోయారు.

దీంతో నామినేషన్స్ ఫుల్ హీటెక్కిపోయాయి. అషూరెడ్డి కెప్టెన్ కాబట్టి నామినేట్ అవ్వలేదు. ఆ తర్వాత మిత్రాశర్మా ఇంకా మహేష్ విట్టాకి కూడా హీటెడ్ ఆర్గ్యూమెంట్స్ అయ్యాయి. అషూరెడ్డి కెప్టెన్సీ పవర్ వల్ల మహేష్ విట్టా నామినేషన్స్ లోకి వచ్చినట్లుగా తెలుస్తోంది. అంతేకాదు, ఇక్కడే యాంకర్ శివ ఇంకా నటరాజ్ మాస్టర్ లలో ఇద్దరూ కూడా నామినేట్ అయ్యారని సమాచారం. కానీ, ఇద్దరిలో ఒకరే నామినేట్ అవ్వాల్సి ఉండగా ఇద్దరూ అవ్వడం అనేది ఆసక్తిని కలిగించే అంశం.

అంతేకాదు, ఇక్కడే స్పెషల్ పవర్ తో ఇంకో ఇద్దరిని నామినేట్ చేసే విధంగా కూడా ఈసారి నామినేషన్స్ ప్రక్రియని చేశారు. అంటే ప్రస్తుతం అఖిల్, యాంకర్ శివ, అనిల్, నటరాజ్ మాస్టర్, మిత్రాశర్మా, మహేష్ విట్టా లు నామినేషన్స్ లో ఉన్నారు. వీరితో పాటుగా ఇంకో ఇద్దరు నామినేట్ అయ్యే అవకాశం ఉంది మరి ఆ ఇద్దరు ఎవరు అనేది నామినేషన్స్ ఎపిసోడ్ లో చూడాల్సిందే. అదీ మేటర్.

‘ఆర్.ఆర్.ఆర్’ మూవీ నుండీ అదిరిపోయే 20 డైలాగులు..!

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!