సూపర్ స్టార్ రజినీకాంత్ హీరోగా తెరకెక్కి పెద్దన్న పేరుతో దీపావళి కానుకగా రిలీజైన సినిమా ప్రేక్షకుల నుంచి నెగిటివ్ రెస్పాన్స్ కు సొంతం చేసుకుంది. ప్రముఖ దర్శకుడు శివ ఈ సినిమాకు దర్శకత్వం వహించారు. 12 కోట్ల రూపాయల టార్గెట్ తో తెలుగులో రిలీజైన ఈ సినిమా బ్రేక్ ఈవెన్ కావడం కష్టమేనని సమాచారం. తెలుగు రాష్ట్రాల్లో తొలిరోజు బాగానే కలెక్షన్లను సాధించిన ఈ సినిమాకు రెండోరోజు నుంచి కలెక్షన్లు తగ్గుముఖం పట్టాయి.
నిర్మాతలకు ఈ సినిమాతో భారీగా నష్టాలు తప్పవని తెలుస్తోంది. అయితే రజినీకాంత్ శివ డైరెక్షన్ లో మరో సినిమా చేయడానికి ఓకే చెప్పినట్టు తెలుస్తోంది. అజిత్ శివ కాంబినేషన్ లో పలు సినిమాలు తెరకెక్కగా బాక్సాఫీస్ వద్ద ఆ సినిమాలు బ్లాక్ బస్టర్ హిట్లుగా నిలిచాయి. తెలుగులో దర్శకుడిగా కెరీర్ ను మొదలుపెట్టిన శివకు తమిళంలో వరుస విజయాల ద్వారా స్టార్ డైరెక్టర్ గా గుర్తింపు దక్కింది. పెద్దన్న సినిమా సక్సెస్ సాధించకపోయినా రజినీకాంత్ శివకు మరో సినిమాకు దర్శకత్వం వహించే ఛాన్స్ ఇచ్చారని వస్తున్న వార్తల వల్ల అభిమానులు టెన్షన్ పడుతున్నారు.
రొటీన్ మాస్ మసాలా సినిమాలను తెరకెక్కించే దర్శకులకు రజినీకాంత్ ఎక్కువగా అవకాశాలు ఇవ్వడంపై ఫ్యాన్స్ నుంచి భిన్నాభిప్రాయాలు వ్యక్తమవుతున్నాయి. ఈ ప్రాజెక్ట్ కు సంబంధించి అధికారిక ప్రకటన రావాల్సి ఉంది. ఏడు పదుల వయస్సులో కూడా రజినీకాంత్ వరుసగా సినిమాల్లో నటిస్తూ అభిమానులు సైతం ఆశ్చర్యపోయేలా చేస్తున్నారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
