తెలుగులో ‘భరత్ అనే నేను’ సినిమాతో హీరోయిన్ గా ఎంట్రీ ఇచ్చిన బ్యూటీ కియారా అద్వానీ. ఆ తరువాత రామ్ చరణ్ తో కలిసి ‘వినయ విధేయ రామ’ సినిమాలో నటించింది. అయితే ఈ సినిమా డిజాస్టర్ కావడం.. అదే సమయంలో బాలీవుడ్ లో అవకాశాలు రావడంతో కియారా అక్కడే సినిమాలు చేస్తూ బిజీ అయిపోయింది. టాలీవుడ్ లో కొందరు దర్శకనిర్మాతలు ఆమె డేట్స్ కోసం ప్రయత్నిస్తున్నారు. త్రివిక్రమ్-ఎన్టీఆర్ సినిమాలో కూడా ఆమెనే హీరోయిన్ గా తీసుకోవాలనుకుంటున్నారు.
కానీ ఇంకా ఆమెని సంప్రదించలేదు. ఇదిలా ఉండగా.. కియారా మరోసారి రామ్ చరణ్ తో కలిసి నటించడానికి అంగీకరించినట్లు తెలుస్తోంది. సౌత్ ఇండియా స్టార్ డైరెక్టర్ శంకర్.. రామ్ చరణ్ హీరోగా ఓ సినిమా చేయాలనుకుంటున్నారు. దిల్ రాజు భారీ బడ్జెట్ తో ఈ సినిమాను నిర్మించనున్నారు. ఇందులో హీరోయిన్ గా కొరియన్ అమ్మాయిని తీసుకోబోతున్నట్లు వార్తలు వచ్చాయి. అలానే కొందరు సౌత్ హీరోయిన్ల పేర్లు కూడా వినిపించాయి. తాజాగా కియారా అద్వానీని ఎంపిక చేసుకున్నట్లు చెబుతున్నారు.
ఇటీవల ‘జెర్సీ’ రీమేక్ పనుల మీద ముంబైకి వెళ్లిన నిర్మాత దిల్ రాజు.. కియారాని సంప్రదించినట్లు తెలుస్తోంది. ఈ క్రమంలో శంకర్-చరణ్ సినిమాలో హీరోయిన్ రోల్ ఆఫర్ చేయగా.. దానికి ఆమె అంగీకరించినట్లు సమాచారం. జూలైలో ఈ సినిమా సెట్స్ పైకి వెళ్లనుంది.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
