Pawan Kalyan: పవన్‌ అడిగాడా.. త్రివిక్రమ్‌ తవ్వి తీశారా

‘కోబలి’ సినిమా స్క్రిప్ట్‌ పవన్‌ కల్యాణ్‌కు గుర్తొచ్చిందో, లేక త్రివిక్రమ్‌కు మనసైందో కానీ మళ్లీ తవ్వి బయటకు తీశారాట. ‘అత్తారింటికి దారేది’ తర్వాత పవన్‌ కల్యాణ్‌ – త్రివిక్రమ్‌ కాంబినేషన్‌లో ‘కోబలి’ సినిమా అనౌన్స్‌మెంట్‌ అయిన విషయం తెలిసిందే. దాని మీద త్రివిక్రమ్‌ కాస్త వర్క్‌ కూడా చేశాడు. అయితే ఏమైందో ఏమో కానీ, సినిమా పట్టాలెక్కలేదు. ఏదో లేట్‌ అయ్యిందేమో, త్వరలో స్టార్ట్‌ చేస్తారు అనుకున్నారంతా. అయితే వీరిద్దరూ‘అజ్ఞాతవాసి’ మొదలుపెట్టడంతో ఇక ‘కోబలి’ రాదు అని ఫిక్స్‌ అయిపోయారు.

‘కోబలి’ కథ, నేపథ్యం గురించి వచ్చిన వార్తలు ఆసక్తికరంగా ఉండటంతో అభిమానులు ఈ సినిమాపై భారీ అంచనాలు నెలకొన్నాయి. అయితే సినిమాకు సంబంధించిన ముచ్చట్లు ఏమీ రాకపోవడంతో అభిమానులు అలా అలా మరచిపోతూ వచ్చారు. అయితే ఇప్పుడు మళ్లీ ఈ సినిమా ముచ్చట్లు వినిపిస్తున్నాయి. పవన్‌ అడిగారో, త్రివిక్రమ్‌కు గుర్తొచ్చిందో కానీ ఆ సినిమా కథపై మళ్లీ రైటింగ్‌ టీమ్‌ కూర్చుందట. దానిని త్వరగా పూర్తి చేసి సిద్ధం చేయాలని త్రివిక్రమ్‌ భావిస్తున్నారట.

పవన్‌ ప్రస్తుతం చేస్తున్న సినిమాల వరుస చూస్తుంటే ఇంత త్వరగా త్రివిక్రమ్‌తో సినిమా చేసే అవకాశం కనిపించడం లేదు. ‘హరి హర వీరమల్లు’, ‘అయ్యప్పనుమ్‌ కొషియమ్’ రీమేక్‌, హరీశ్‌ శంకర్‌ సినిమా, సురేందర్‌ రెడ్డి సినిమా… ఇలా వరుసగా ఉన్నాయి. మరి వీరి మధ్యలోకి త్రివిక్రమ్‌ వచ్చి చేరుతారా అనేది చూడాలి. అయితే భగవాన్‌ – పుల్లారావు ఇటీవల మాట్లాడుతూ పవన్‌తో సినిమా చేస్తాం అని ప్రకటించారు. అది ‘కోబలి’ అవుతుందా అనే డౌట్‌ ఉంది. మరోవైపు దిల్‌ రాజుకు పవన్‌ మరో సినిమా చేస్తారనే పుకార్లూ వస్తున్నాయి. ఆ సినిమా ‘కోబలి’ అవుతుందా? అనే మాటలూ వినిపిస్తున్నాయి.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!