కథలు మార్చుకుని సినిమాలు చేస్తున్న మహేష్, బన్నీ..!

ఈ ఏడాది సంక్రాతికి మహేష్, బన్నీ లు చేసిన రచ్చ అంతా ఇంతా కాదు..! మా సినిమా గొప్ప అంటే.. మా సినిమా గొప్ప.. అంటూ ‘సరిలేరు నీకెవ్వరు’ ‘అల వైకుంఠపురములో’ .. చిత్రాల ప్రమోషన్లలో తెగ హడావిడి చేశారు. అయితే సంక్రాంతి పండగ సీజన్ కారణంగా రెండు సినిమాలు బాగా ఆడాయి…. ఫ్యామిలీ సినిమా కాబట్టి ‘అల వైకుంఠపురములో’ చిత్రం ఎక్కువ కలెక్ట్ చేసింది. సరే ఇదంతా పక్కన పెట్టేస్తే..ప్రస్తుతం ఈ ఇద్దరు హీరోలు చేస్తున్న తరువాతి చిత్రాలకు సంబంధించి కొన్ని ఆసక్తి కరమైన విషయాలు బయటకు వచ్చాయి.

ఇప్పుడు మహేష్ బాబు చేస్తున్న ‘సర్కారు వారి పాట’ కథ అల్లు అర్జున్ రిజెక్ట్ చేసాడట. అలాగే అల్లు అర్జున్ చేస్తున్న ‘పుష్ప’ కథని మహేష్ బాబు రిజెక్ట్ చేసాడట. ‘పుష్ప’ కథని దర్శకుడు సుకుమార్ మొదట మహేష్ కు వినిపించాడట. కానీ అది తన బాడీ లాంగ్వేజ్ కు సెట్ అవ్వదని భావించి మహేష్ రిజెక్ట్ చేసాడట. ఆ తరువాత సుకుమార్ అదే కథని అల్లు అర్జున్ కు వినిపించి ఓకే చేయించుకున్నాడు. ఇక మరోపక్క మహేష్ బాబు చేస్తున్న ‘సర్కారు వారి పాట’ కథని మొదట అల్లు అర్జున్ కే వినిపించాడట దర్శకుడు పరశురామ్(బుజ్జి). అయితే ఆ కథని బన్నీ రిజెక్ట్ చేసాడు.

తరువాత శిరీష్ కు కూడా వినిపించాడట పరశురామ్. అతను కూడా రిజెక్ట్ చేసాడని తెలుస్తుంది. అప్పుడు ‘గీత ఆర్ట్స్’ కాంపౌండ్ లో పరశురామ్(బుజ్జి) పనిచేసేవాడన్న సంగతి తెలిసిందే. అయితే ఆ తరువాత అతను ఆ కాంపౌండ్ నుండీ బయటకు వచ్చేసి మహేష్ కు ఈ కథ వినిపించాడట. మొదట్లో నో చెప్పిన మహేష్ .. తరువాత కొన్ని మార్పులు చేసి తీసుకురమ్మని చెప్పి.. ఓకే చేసాడట. ఇలా ఒకరు రిజెక్ట్ చేసిన కథతో మరొకరు సినిమాలు చేస్తున్నారని తెలుస్తుంది. అయితే వీళ్ళు రిస్క్ చేస్తున్నారా లేదా అన్నది సినిమాలు విడుదలైతే కానీ చెప్పలేము.

Most Recommended Video

పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!