‘సర్కారు వారి పాట’ .. తరువాత త్రివిక్రమ్ తో మహేష్ నెక్స్ట్..?

‘భరత్ అనే నేను’ చిత్రం నుండీ మహేష్ పూర్తిగా మారిపోయాడు. అంతకు ముందు వరకూ ఓ లైన్ వినేసి ప్రాజెక్టు ఓకే చేసే మహేష్.. ఆ చిత్రం నుండీ మాత్రం బౌండ్ స్క్రిప్ట్ తో వచ్చే దర్శకులకు మాత్రమే ఛాన్సులు ఇస్తూ వస్తున్నాడు. అందుకే సుకుమార్ ప్రాజెక్టుని కూడా పక్కన పెట్టి అనిల్ రావిపూడితో ‘సరిలేరు నీకెవ్వరు’ చిత్రం చేశాడు. ఇక ఇప్పుడు కూడా వంశీ పైడిపల్లి ప్రాజెక్టుని పక్కనపెట్టి ‘గీత గోవిందం’ దర్శకుడు పరశురామ్(బుజ్జి) తో ‘సర్కారు వారి పాట’ ప్రాజెక్టు ను లైన్లో పెట్టాడు. అయితే ‘ఆర్.ఆర్.ఆర్’ పూర్తయ్యాక రాజమౌళి డైరెక్షన్లో మహేష్ ఓ సినిమా చెయ్యాల్సి ఉంది.

‘ఆర్.ఆర్.ఆర్’ పూర్తయ్యి మహేష్ సినిమా స్క్రిప్ట్ రెడీ అయ్యేసరికి 2022 వరకూ సమయం పడుతుంది. అందుకే ఈ గ్యాప్ లో ‘సర్కారు వారి పాట’ తో పాటు కుదిరితే మరో రెండు సినిమాలు పూర్తి చెయ్యాలని మహేష్ భావిస్తున్నాడట. ఇప్పటికే అనిల్ రావిపూడి .. మహేష్ కోసం ఓ స్క్రిప్ట్ రెడీ చేసే పనిలో ఉన్నాడు. అంతేకాకుండా త్రివిక్రమ్ కూడా మహేష్ కోసం ఓ కథను రెడీ చేస్తున్నడని టాక్. త్రివిక్రమ్ నెక్స్ట్ ఎన్టీఆర్ తో అని ప్రకటించినప్పటికీ.. ‘ఆర్.ఆర్.ఆర్’ వల్ల ఆ ప్రాజెక్టు కూడా లేటయ్యే ఛాన్స్ ఉంది. కాబట్టి త్రివిక్రమ్ బౌండ్ స్క్రిప్ట్ రెడీ చేసుకుని మహేష్ ను కలిస్తే.. ప్రాజెక్టు సెట్ అయిపోయినట్టే.

‘అతడు’ వంటి హిట్ .. ‘ఖలేజా’ వంటి డిజాస్టర్ సినిమాలు వీరి కాంబోలో వచ్చాయి. అయినప్పటికీ ఆ రెండు సినిమాలు బుల్లితెర పై మాత్రం కల్ట్ క్లాసిక్స్ గా నిలిచాయి. ఇప్పుడు వీరి కాంబినేషన్లో కనుక మూడో సినిమా వస్తుంది అని అధికారిక ప్రకటన వస్తే మాత్రం..భారీ అంచనాలు ఏర్పడే అవకాశం పుష్కలంగా ఉంది.

Most Recommended Video

34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
సౌత్ లో అత్యధిక పారితోకం అందుకునే సంగీత దర్శకులు వీరే!