మహేష్ బాబు- కొరటాల శివ కాంబినేషన్లో వచ్చిన ‘శ్రీమంతుడు’ చిత్రంతో నిర్మాణ రంగంలోకి అడుగు పెట్టింది ‘మైత్రి మూవీ మేకర్స్’ సంస్థ. అనతి కాలంలోనే పెద్ద పెద్ద బ్లాక్ బస్టర్లు అందుకుని పెద్ద నిర్మాణ సంస్థల్లో ఒకటిగా నిలదొక్కుకుంది. ప్రస్తుతం చిరంజీవి, బాలకృష్ణ, అల్లు అర్జున్, పవన్ కళ్యాణ్ వంటి అగ్ర హీరోలు అందరూ మైత్రి బ్యానర్లోనే సినిమాలు చేస్తున్నారు. ఈ మధ్యనే మహేష్ బాబు ‘సర్కారు వారి పాట’ చిత్రం చేసి బయటకు వచ్చాడు.
ప్రస్తుతం మహేష్ త్రివిక్రమ్ దర్శకత్వంలో ఓ చిత్రం చేయబోతున్నాడు. దానికి ‘హారిక అండ్ హాసిని క్రియేషన్స్’ వారు నిర్మాతలు. ఆ తర్వాత మహేష్… రాజమౌళి దర్శకత్వంలో సినిమా చేయబోతున్నాడు. కాబట్టి ఇప్పట్లో అతని కాల్షీట్లు ఖాళీ ఉండవు.దీంతో మహేష్ కు అడ్వాన్స్ లు ఇవ్వడానికి ఒకటికి రెండు సార్లు ఆలోచిస్తున్నాయి పెద్ద నిర్మాణ సంస్థలు. అయితే ‘మైత్రి మూవీ మేకర్స్’ వారు మాత్రం పనిగట్టుకుని మహేష్ జెర్మనీ వెళ్తుంటే అక్కడికి వెళ్లి మరీ అడ్వాన్స్ ఇవ్వబోతున్నారు.
ప్రస్తుతం త్రివిక్రమ్ దర్శకత్వంలో మహేష్ చేస్తున్నది తన 28 వ చిత్రం. మహేష్ 29ని రాజమౌళి డైరెక్ట్ చేస్తాడు. ఇక మహేష్ 30 ని ‘మైత్రి మూవీ మేకర్స్’ వాళ్ళు నిర్మించడానికి అడ్వాన్స్ ఇచ్చినట్లు తెలుస్తుంది. త్రివిక్రమ్ సినిమా పూర్తయ్యాక.. రాజమౌళి సినిమా మొదలు కావాల్సి ఉంది. ఏమాత్రం గ్యాప్ దొరికినా అనిల్ రావిపూడి లాంటి దర్శకుడితో తక్కువ టైంలో కంప్లీట్ అయ్యే సినిమా ఒకటి చేయాలని మహేష్ భావిస్తున్నాడు.
ఆ అవకాశం మాకు దక్కక పోతుందా అనేది ‘మైత్రి’ వారి తాపత్రయం కావచ్చు. అది మిస్ అయినా రాజమౌళి సినిమా తర్వాత మహేష్ కు పాన్ ఇండియా మార్కెట్ కలిసొస్తే ‘మైత్రి’ వారికి ఇంకా ప్లస్ అవుతుందని కూడా వారు భావించి ఉండవచ్చు.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
