మూడోసారి రిపీటవుతున్న సక్సెస్ ఫుల్ కాంబినేషన్!

ఒక్కోసారి కొన్ని కాంబినేషన్స్ భలే సెట్ అవుతుంటాయి. అలా సెట్ అయిన కొత్త కాంబినేషనే ఇది కూడా. ఆల్రెడీ శ్రీనివాస్ అవసరాల-నాగశౌర్యల కాంబినేషన్ లో “ఊహలు గుసగుసలాడే, జో అచ్యుతానంద” చిత్రాలు తెరకెక్కిన విషయం తెలిసిందే. ఇప్పుడు ఈ కాంబినేషన్ లో మూడో సినిమా తెరకెక్కనుందని తెలుస్తోంది. వీళ్ళిద్దరీ కాంబినేషన్ లో వచ్చిన మునుపటి రెండు సినిమాల్ని నిర్మించిన సాయి కొర్రపాటి ఈ మూడో చిత్రాన్ని కూడా నిర్మించనున్నారు. త్వరలోనే ఈ సినిమా సెట్స్ కు వెళ్లనుందని వినికిడి. ఈ సినిమా ద్వారా ఓ మలయాళీ భామను కథానాయికగా పరిచయం చేయనున్నారట.

ఇకపోతే.. “ఛలో” హిట్ తర్వాత “కణం, అమ్మమ్మగారిల్లు” చిత్రాలు ఫ్లాప్ అవ్వడంతో కాస్త ఢీలాపడిన నాగశౌర్య ప్రస్తుతం తన ఆశలన్నీ సాయిశ్రీరామ్ దర్శకత్వంలో తెరకెక్కుతున్న “నర్తనశాల”పై పెట్టుకొన్నాడు. ఈ సినిమాకి ఆల్రెడీ మంచి బజ్ ఉండడంతో ఈ సినిమా హిట్ అయితే మనోడి రేంజ్ కూడా పెరుగుతుంది.