Nayanthara: నయనతార పారితోషికం అంత ఎక్కువా.. టాలీవుడ్ నిర్మాతలకు కష్టమేనా?
September 13, 2023 / 02:20 PM IST
|Follow Us
టాలీవుడ్ ప్రముఖ హీరోయిన్లలో ఒకరైన నయనతార గురించి ప్రత్యేకంగా చెప్పాల్సిన అవసరం లేదు. జవాన్ సినిమాతో నయనతార మరో భారీ సక్సెస్ ను ఖాతాలో వేసుకోవడంతో ఆమె మార్కెట్ మరింత పెరిగింది. నయనతారను అభిమానించే అభిమానుల సంఖ్య అంతకంతకూ పెరుగుతోంది. చిరంజీవికి జోడీగా నయన్ ఒక సినిమాలో ఎంపికైనట్టు వార్తలు జోరుగా ప్రచారంలోకి వచ్చాయి. ఇప్పటికే చిరంజీవి, నయనతార కాంబినేషన్ లో పలు సినిమాలు తెరకెక్కి బాక్సాఫీస్ వద్ద ఘన విజయం సాధించాయి.
నయనతార పారితోషికం 10 కోట్ల రూపాయల రేంజ్ లో ఉందని తెలుస్తోంది.ఈ పారితోషికానికి కోటి రూపాయల జీఎస్టీ అదనమని సమాచారం. ఈ రేంజ్ లో నయనతారకు రెమ్యునరేషన్ ఇవ్వడం కూడా సులువైన విషయం కాదు. పెళ్లైనా నయనతార హవా కొనసాగుతూ ఉండటం గమనార్హం. ఇతర హీరోయిన్లు నయనతారకు పోటీ ఇస్తున్నా నయనతార స్థాయిలో బాక్సాఫీస్ ను షేక్ చేయడంలో వాళ్లు ఫెయిలవుతున్నారు.నయనతార భాషతో సంబంధం లేకుండా సత్తా చాటాలని ఫ్యాన్స్ కోరుకుంటున్నారు.
38 సంవత్సరాల వయస్సులో సైతం బాక్సాఫీస్ ను ఊహించని స్థాయిలో రూల్ చేయడం నయన్ కే సాధ్యమని చెప్పవచ్చు. నయన్ చేతిలో ప్రస్తుతం పలు క్రేజీ ప్రాజెక్ట్ లు ఉన్నాయి. బాలీవుడ్ ఇండస్ట్రీ నుంచి కూడా నయనతారకు భారీ స్థాయిలో ఆఫర్లు వస్తుండటం గమనార్హం. పెళ్లి తర్వాత నయనతార కెరీర్ పరంగా మరింత బిజీ అయ్యారు.
నయనతార లక్కీ హీరోయిన్ అని అందువల్లే ఆమె సక్సెస్ రేట్ ఎక్కువగా ఉన్న హీరోయిన్లలో ఒకరిగా ఉన్నారని నెటిజన్ల నుంచి కామెంట్లు వ్యక్తమవుతున్నాయి. భాషతో సంబంధం లేకుండా నయనతారను అభిమానించే ఫ్యాన్స్ సంఖ్య పెరుగుతోందే తప్ప తగ్గడం లేదు. లేడీ సూపర్ స్టార్ గా పేరు సంపాదించుకున్న నయనతార నెక్స్ట్ లెవెల్ స్క్రిప్ట్ లను ఎంచుకోవడంతో పాటు రాబోయే రోజుల్లో మరిన్ని విజయాలు సాధించే దిశగా అడుగులు వేయాలని అభిమానులు కామెంట్లు చేస్తున్నారు.