Ram Charan, Allu Arjun: మరో మల్టీస్టారర్ కు జక్కన్న ఓకే చెబుతారా?

రాజమౌళి అల్లు అర్జున్ కాంబినేషన్ లో సినిమా కోసం ఫ్యాన్స్ ఆసక్తిగా ఎదురుచూస్తున్నారనే సంగతి తెలిసిందే. వేర్వేరు కారణాల వల్ల ఈ కాంబినేషన్ లో సినిమా ఆలస్యమవుతోంది. అయితే ప్రముఖ టాలీవుడ్ నిర్మాతలలో ఒకరైన అల్లు అరవింద్ రాజమౌళి డైరెక్షన్ లో చరణ్ బన్నీ హీరోలుగా ఒక సినిమాను నిర్మించాలని ప్లాన్ చేస్తున్నట్టు భోగట్టా. ఈ సినిమాకు రాజమౌళి నుంచి గ్రీన్ సిగ్నల్ రావాల్సి ఉంది. రాజమౌళి ప్రస్తుతం ఆర్ఆర్ఆర్ మూవీ పోస్ట్ ప్రొడక్షన్ పనులతో బిజీగా ఉన్నారు.

ఆర్ఆర్ఆర్ రిలీజైన తర్వాత మహేష్ బాబు రాజమౌళి కాంబినేషన్ లో ఒక సినిమా తెరకెక్కనుంది. వచ్చే ఏడాది జనవరి 8వ తేదీన ఆర్ఆర్ఆర్ రిలీజ్ కావచ్చని ప్రచారం జరుగుతోంది. చరణ్ బన్నీ మల్టీస్టారర్ కోసం రాజమౌళికి అల్లు అరవింద్ భారీ ప్యాకేజీని ఆఫర్ చేశారని ఇండస్ట్రీ వర్గాల్లో వినిపిస్తోంది. చరణ్ బన్నీ కాంబోలో గతంలో ఎవడు మూవీ తెరకెక్కింది. ఎవడు మూవీలో బన్నీ పాత్ర కేవలం 15 నిమిషాలకు పరిమితం కాగా చరణ్ ఫుల్ లెంగ్త్ రోల్ లో నటించారు.

రాజమౌళి డైరెక్షన్ లో నటించాలని అల్లు అర్జున్ కూడా భావిస్తున్నారు. రాజమౌళి గ్రీన్ సిగ్నల్ ఇస్తే మహేష్ మూవీ తర్వాత చరణ్ బన్నీ కాంబినేషన్ లో సినిమా వచ్చే అవకాశాలు ఉంటాయి. మరోవైపు రాజమౌళికి బాలీవుడ్ హీరోల నుంచి కూడా భారీ ఆఫర్లు వస్తున్నాయి. అల్లు అరవింద్ ఆఫర్ విషయంలో రాజమౌళి ఎలా రియాక్ట్ అవుతారో చూడాల్సి ఉంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!