రామ్ చరణ్, పూరి జగన్నాథ్ కాంబినేషన్ మళ్ళీ సెట్ అయిందా?

2007 సెప్టెంబర్ 28 .. మెగాస్టార్ చిరంజీవి వారసుడు రామ్ చరణ్ తేజ్ వెండితెరపై కనిపించిన రోజు. సరిగ్గా పదేళ్లక్రితం(రేపటికి) చెర్రీ నటించిన చిరుత సినిమా రిలీజ్ అయింది. డేరింగ్ డైరక్టర్ పూరి జగన్నాథ్ మంచి స్టోరీ తో చరణ్ ని లాంచ్ చేశారు. 17 కోట్లతో తెరకెక్కిన ఆ మూవీ శాటిలైట్ రైట్స్ తో సహా అన్ని హక్కులు, కలక్షన్స్ కలుపుకొని 85  కోట్లు వసూలు చేసింది.  ఇంత హిట్ సాధించినప్పటికీ వీరి కాంబినేషన్లో మళ్ళీ సినిమా రాలేదు. అభిమానులు సైతం ఎదురుచూసి చూసి ఆశలు వదులుకున్నారు. అయితే చిరుత రిలీజ్ అయి పదేళ్లు అయిన సందర్భంగా చరణ్, పూరి సినిమామొదలు కాబోతున్నట్లు సమాచారం.

చిరుత సినిమాని నిర్మించిన అశ్వినీదత్ ఈ చిత్రాన్ని నిర్మించనున్నట్లు తెలిసింది. ప్రస్తుతం సుకుమార్ దర్శకత్వంలో రామ్ చరణ్  రంగస్థలం 1985 మూవీ చేస్తున్నారు. ఇది డిసెంబర్ లో రిలీజ్ కానుంది.  అనంతరం కొరటాల శివ తో ప్రాజెక్ట్ పట్టాలెక్కనుంది. ఈ రెండు సినిమాల తర్వాత పూరితో కలిసి చరణ్ నడవనున్నారు.