ప్రభాస్ నటించిన రాధేశ్యామ్ సినిమా షూటింగ్ మొదలై దాదాపు రెండున్నర సంవత్సరాలు అవుతోంది. సాహో తర్వాత ప్రభాస్ నటించిన ఒక్క సినిమా కూడా రిలీజ్ కాలేదు. పాన్ ఇండియా హీరోగా ప్రభాస్ కు వచ్చిన గుర్తింపు తర్వాత ప్రభాస్ వేగంగానే సినిమాలు చేస్తున్నా వేర్వేరు కారణాల వల్ల ఆ సినిమాలు వాయిదా పడుతున్నాయి. మరోవైపు రాధేశ్యామ్ ప్రమోషన్స్ విషయంలో ప్రభాస్ ఫ్యాన్స్ నిరాశకు గురవుతున్నారు.
మిగతా సినిమాల అప్ డేట్స్ వేగంగానే వస్తున్నా ప్రభాస్ రాధేశ్యామ్ ప్రమోషనల్ కార్యక్రమాలు మాత్రం ఇప్పటివరకు మొదలుకాలేదు. తెలుస్తున్న సమాచారం ప్రకారం అక్టోబర్ నుంచి ఈ సినిమా ప్రమోషన్ కార్యక్రమాలు మొదలుకానున్నాయి. థర్డ్ వేవ్ వస్తే మాత్రమే రాధేశ్యామ్ రిలీజ్ డేట్ మారుతుందని లేకపోతే ఈ సినిమా ఖచ్చితంగా సంక్రాంతికే రిలీజ్ అవుతుందని తెలుస్తోంది.
అయితే రాధేశ్యామ్ మేకర్స్ పాన్ ఇండియా స్థాయిలో ఈ మూవీ ప్రమోషన్స్ ను ప్లాన్ చేశారని సమాచారం. సలార్, ఆదిపురుష్ సినిమాలు సైతం రాధేశ్యామ్ విడుదలైన కొన్ని నెలలకే రిలీజ్ కానున్నాయి. ప్రభాస్ వచ్చే ఏడాది మూడు సినిమాలను రిలీజ్ చేయనున్నారని తెలుస్తోంది. ప్రభాస్ ఫ్యాన్స్ వచ్చే ఏడాది మూడు బ్లాక్ బస్టర్ హిట్లు సొంతం చేసుకుంటాడని భావిస్తున్నారు. ప్రభాస్ నటిస్తున్న మూడు సినిమాల బడ్జెట్ 1000 కోట్ల రూపాయలు కావడం గమనార్హం. రాధేశ్యామ్ లో పూజా హెగ్డే ప్రభాస్ కు జోడీగా నటిస్తున్నారు. అక్టోబర్ లో ప్రభాస్, పూజా హెగ్డేల పుట్టినరోజులు ఉండగా ఆరోజు సినిమాలకు సంబంధించిన అప్ డేట్స్ వచ్చే అవకాశం ఉంది.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home