Sai Pallavi: ‘పుష్ప 2’లో సాయిపల్లవి.. క్లారిటీ ఇస్తూనే ఉన్నారు.. కానీ?

‘పుష్ప 2’ సినిమాలో రెండో హీరోయిన్‌కి చోటుందా? ఈ విషయంలో ఇప్పటివరకు క్లారిటీ లేదు. దీని గురించి టీమ్‌ను చాలామంది కాంటాక్ట్‌ చేస్తున్నా ఎక్కడా ఎలాంటి సమాధానం రావడం లేదు. ఈ సంగతి తేలకుండా ఉంటే మరోవైపు రెండో హీరోయిన్‌గా సాయిపల్లవి ఫిక్స్ అంటూ కొందరు, దాదాపు ఫిక్స్ అంటూ మరికొందరు చెబుతున్నారు. ఎవరు చెప్పారు, ఎక్కడ చెప్పారు అనే వివరాలు అయితే రావడం లేదు కానీ.. విషయమైతే ‘పుష్ప 2 సినిమా లో సాయిపల్లవి’. తాజాగా మరోసారి పుకారు రావడం.. దానిని సినిమా టీమ్‌ ఇన్‌డైరెక్ట్‌గా ఖండించడం జరిగిపోయాయి.

రెండు రోజుల నుండి సోషల్ మీడియాలో ‘పుష్ప 2 – సాయిపల్లవి’ వార్త హల్‌‌చల్ చేస్తోంది. అల్లు అర్జున్‌తో నేచురల్‌ స్టార్‌ అని కొందరు, ఐకాన్‌ స్టార్‌తో లేడీ పవర్‌ స్టార్‌ అని మరికొందరు వార్తలు అల్లేస్తున్నారు. అయితే ఇదేం తొలిసారి కాదు. కొన్ని నెలల క్రితం కూడా ఇలానే ఓ వార్త వచ్చింది. అప్పుడు ‘పుష్ప’ టీమ్‌లో ఎవరో ఇది నిజం కాదు అని చెప్పారు. దీంతో ఆ వార్తలు ఆగిపోయాయి. అయితే మళ్లీ ఇప్పుడు ఆ వార్తలు మొదలయ్యాయి. ఇప్పుడు కూడా ఎవరో ఖండించారు అని వార్తలొస్తున్నాయి.

అయితే ఇక్కడ ఆలోచించాల్సిన విషయం ఒక్కటే.. అసలు ఆమె నటిస్తోందని పుకారు ఎందుకొస్తోంది, మళ్లీ లేదని ఎందుకొస్తున్నాయి అనేది. ఈ సినిమాలో గిరిజన యువతి పాత్ర ఒకటి ఉందని, రెండో పార్టులో ఆ పాత్ర చాలా కీలకం అని అంటున్నారు. దానికి సాయిపల్లవి అయితే బాగుండొచ్చు అనే చర్చ జరిగిందట. ఆ మాట అలా ఇలా బయటకు వచ్చి ఇప్పుడు పుకారు రూపంలో వచ్చింది. అయితే ఇప్పుడున్న పరిస్థితుల్లో సాయిపల్లవి సెకండ్‌ హీరోయిన్‌ పాత్రలు చేయదు అంటున్నారు.

ఎందుకంటే పాత్రల ఎంపిక విషయంలో బాగా పట్టుదలతో ఉండి కొన్ని పెద్ద సినిమాలే వదిలేసుకుంది సాయిపల్లవి. అందుకే చాలా రోజుల నుండి సినిమాలకు దూరంగా ఉంది. అయితే దూరం అవ్వడానికి అదొక్కటే కారణం అని చెప్పలేం. దీంతో సాయిపల్లవి సెకండ్‌ ఎంట్రీ ఎప్పుడు, ఎలా అనేది ఆమెనే చెబుతుంది అంటున్నారు. అప్పటివరకు ఈ చర్చ ఇలానే ఏదో రకంగా సాగుతుంది అని చెప్పొచ్చు.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!