రాజ్ తరుణ్ మూవీ పై వస్తున్న పుకార్లకు నిర్మాత చెక్

యంగ్ హీరో రాజ్ తరుణ్ ఉయ్యాలా జంపాలా సినిమాతో టాలీవుడ్ ఎంట్రీ ఇచ్చి, వరుసగా సినిమా చూపిస్తమావా, కుమారి 21ఎఫ్ చిత్రాల విజయంతో హ్యాట్రిక్ హిట్స్ అందుకున్నారు. కుమారి 21ఎఫ్ మూవీతో యూత్ లో మంచి క్రేజ్ తెచ్చుకున్న ఆయన తరువాత ఆ స్థాయి హిట్ అందుకోలేకపోయారు. ఇక దిల్ రాజు ప్రొడక్షన్ లో వచ్చిన ఇద్దరి లోకం ఒకటే పై చాల ఆశలు పెట్టుకోగా అది ఘోర పరాజయం చవిచూసి రాజ్ తరుణ్ కి మరో షాక్ ఇచ్చింది.

దీనితో ఒరేయ్ బుజ్జిగా సినిమా అయినా తనకు విజయం అందిస్తుందన్న ఆశలో ఉండగా కరోనా కర్ఫ్యూ కారణంగా విడుదల వాయిదాపడింది. దీనితో ఈ చిత్ర నిర్మాతలకు ఏమి చేయాలో పాలుపోని పరిస్థితి నెలకొంది. ఈ నేపథ్యంలో ఒరేయ్ బుజ్జిగా చిత్రాన్ని నేరుగా డిజిటల్ ప్లాట్ ఫార్మ్స్ లో విడుదల చేయాలని నిర్మాతలు భావిస్తున్నారని. నెట్ ఫ్లిక్స్, అమెజాన్,సన్ నెక్స్ట్, హాట్ స్టార్ వంటి డిజిటల్ మాధ్యమాల్లో ఎదో ఒక మాధ్యమం ద్వారా ఈ మూవీ థియేటర్స్ లోకి రాకుండా నేరుగా విడుదల కానుందని ప్రచారం జరుగుతుంది.

ఐతే ఈ వార్తలను చిత్ర నిర్మాత రాధా మోహన్ ఖండించారు. నేరుగా ఒరేయ్ బుజ్జిగా చిత్రాన్ని డిజిటల్ ప్లాట్ ఫార్మ్స్ లో విడుదల చేస్తున్నాం అనే వార్తలో ఎటువంటి నిజం లేదని చెప్పారు. సాధారణ పరిస్థితులు ఏర్పడిన వెంటనే ఈ మూవీ రిలీజ్ ఉంటుందని తెలియజేశారు. గుండెజారి గల్లంతయ్యిందే వంటి హిట్ మూవీ తెరకెక్కించిన దర్శకుడు కొండా విజయ్ కుమార్ ఈ చిత్రానికి దర్శకత్వం వహిస్తుండగా, మాళవిక నాయర్, హెబ్బా పటేల్ హీరోయిన్స్ గా నటిస్తున్నారు. అనూప్ రూబెన్స్ సంగీతం అందిస్తున్నారు.

Most Recommended Video

టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!