సినిమా టైటిల్ ఎంతో తెలీదు, పోనీ ఫర్స్ట్ లుక్ అయినా రిలీజ్ చేస్తే పండగ చేసుకుందాం అనుకుంటే అదీ లేదు. సినిమా మొదలయ్యి రెండు, మూడు నెలలు అవుతుంది కదా, అసలు సినిమా గురించి ఏదైన చిన్న న్యూస్ ప్రకటించినా హ్యాపీ… ఇదీ ప్రస్తుతం మన పవర్ స్టార్ ఫ్యాన్స్ పరిస్థితి. పవన్ ఫ్యాన్స్ అంతా త్రివిక్రమ్ పై కారాలు మిరియాలు నూరుతున్నారు. దానికి కారణం కూడా లేకపోలేదు. అసలు విషయంలోకి వెళితే, పవన్ త్రివిక్రమ్ ల కాంబినేషన్ లో రూపొందుతున్న సినిమాపై భారీ అంచనాలు పెట్టుకున్నారు పవన్ కళ్యాణ్ అభిమానులు. అయితే త్రివిక్రమ్ ఈసినిమా పై వ్యవహరిస్తున్న తీరు మాత్రం పవన్ అభిమానులు ఆందోళనకు గురి అవుతున్నట్లుగా వార్తలు వస్తున్నాయి. దానికి కారణం ఏంటి అంటే ఈమూవీ షూటింగ్ ప్రారంభం అయి రెండు నెలలు దాటిపోయింది. ఈ మూవీతో ఇంచుమించు షూటింగ్ ప్రారంభించుకున్న యంగ్ టైగర్ ‘జై లవ కుశ’ ఎప్పటికప్పుడు ఈసినిమాకు సంబంధించిన ఎదో ఒక విషయాన్ని జూనియర్ అభిమానులతో పంచుకుంటూ ఆ సినిమా పై హైప్ ను పెంచుతోంది.
కానీ పవన్ త్రివిక్రమ్ ల మూవీకి సంబంధించిన ఏ వార్తలు పవన్ అభిమానులకు అందుబాటులో లేకుండా ఉండటం పవర్ స్టార్ అభిమానులకు అసహనాన్ని కలిగిస్తున్నట్లు వార్తలు వస్తున్నాయి. అంతెందుకు ఈ సినిమా ప్రారంభం అయి చాలారోజులు అయినప్పటికీ కనీసం ఈ మూవీ టైటిల్ విషయంలో త్రివిక్రమ్ ఒక క్లాలిటీ ఇవ్వలేదు అని పవన్ అభిమానులను మరింత బాధపెడుతున్నట్లు తెలుస్తోంది. ఏదో ఒకటి చేసి ఈసినిమాకు ఒక సరైన టైటిల్ ను నిర్ణయించి కనీసం ఫస్ట్ లుక్ అయినా విడుదల చేస్తే బాగుంటుంది కదా అన్న అభిప్రాయాలను పవన్ అభిమానులు వ్యక్తం చేస్తున్నారు. అయితే ఇక్కడ మనం ఆలోచించాల్సిన విషయం ఏంటి అంటే ఈ సినిమా వచ్చే సంక్రాంతికి వస్తున్న క్రమంలో ఇప్పటి నుంచే ఇంత హైప్ అవసరం లేదు అన్నది త్రివిక్రమ్ ఆలోచన అని సినిమా సర్కిల్స్ నుంచి వినిపిస్తున్న గుసగుసలు. అదీ మొత్తంగా మ్యాటర్.
Also, do SUBSCRIBE to our YouTube channel to get latest Tollywood updates.
