పవన్ కళ్యాణ్ అభిమానులు వకీల్ సాబ్ మూవీ కోసం ఆతృతగా ఎదురుచూస్తున్నారు. పవన్ ని వెండితెరపై చూసి దాదాపు రెండున్నరేళ్లు దాటిపోయింది. ఆయన చివరి చిత్రం అజ్ఞాతవాసి 2018 జనవరిలో విడుదల కావడం జరిగింది. కమ్ బ్యాక్ ప్రకటించిన తరువాత పవన్ కళ్యాణ్ చకచకా వకీల్ సాబ్ షూటింగ్ పూర్తి చేశారు. హిందీ హిట్ మూవీ పింక్ రీమేక్ గా ఈ మూవీ తెరకెక్కగా పవన్ లాయర్ రోల్ చేశారు. కరోనా వైరస్ లేకపోతే మే నెలలో వకీల్ సాబ్ గ్రాండ్ గా విడుదల అయ్యేది.
దాదాపు షూటింగ్ పూర్తి కాగా కేవలం 20రోజుల షూటింగ్ మాత్రమే మిగిలి ఉంది. కాగా సెప్టెంబర్ 2న పవన్ కళ్యాణ్ బర్త్ డే నేపథ్యంలో ఫ్యాన్స్ ఆసక్తిగా ఎదురుచూస్తున్నారు. తమ హీరో బర్త్ డే కానుకగా ఎటువంటి గిఫ్ట్ ఇవ్వనున్నారో అని ఫ్యాన్స్ సంబరపడుతున్నారు. 90 శాతం వరకు షూటింగ్ పూర్తి కాగా వకీల్ సాబ్ నుండి టీజర్ ఖాయం అని అందరూ అనుకుంటున్నారు. ఐతే వకీల్ సాబ్ నుండి టీజర్ రాకపోవచ్చని సమాచారం అందుతుంది.
వకీల్ సాబ్ నుండి కేవలం మోషన్ పోస్టర్ మాత్రమే విడుదల చేసే ఆలోచనలో చిత్ర యూనిట్ ఉన్నారట. మూవీ విడుదల వచ్చే ఏడాది మాత్రమే అని తెలుస్తుండగా మోషన్ పోస్టర్ తో సరిపెట్టాలని చూస్తున్నారట. మరి ఇదే నిజం అయితే పవన్ ఫ్యాన్స్ తీవ్ర నిరాశకు గురికావడం ఖాయం. దిల్ రాజు నిర్మిస్తున్న ఈ చిత్రానికి వేణు శ్రీరామ్ దర్శకత్వం వహిస్తున్నారు.
Most Recommended Video
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
సౌత్ లో అత్యధిక పారితోకం అందుకునే సంగీత దర్శకులు వీరే!
