విక్టరీ వెంకటేష్ సినిమాలో పవర్ స్టార్

పవర్ స్టార్ పవన్ కళ్యాణ్ కి, విక్టరీ వెంటేష్ మధ్య మంచి అనుబంధం ఉంది. ఆ స్నేహంతోనే వారిద్దరూ కలిసి గోపాల గోపాల వంటి మల్టీ స్టారర్ సినిమాని మనకందించారు. మళ్లీ వారిద్దరినీ ఒకే చిత్రంలో చూసే అవకాశము రానుందా? అంటే అవుననే అంటున్నాయి సినీ వర్గాలు. వెంకీ ఇప్పుడు గురు సినిమాలో నటిస్తున్నారు. తమిళంలో సూపర్ హిట్టయిన ‘ఇరుదు సుట్రు”కు ఇది రీమేక్. బాక్సర్ గా తాను సాధించలేనిది తన శిష్యులతో సాధించాలని తపించే ఒక కోచ్.. మట్టిలో మాణిక్యం లాంటి ఓ అమ్మాయిని గుర్తించి ఆమెను బాక్సింగ్ లోకి తీసుకొచ్చి ఛాంపియన్ ను చేసే కథాంశంతో ఈ సినిమా తెరకెక్కుతోంది.

వెంకీ బాక్సింగ్ కోచ్ పాత్రలో నటిస్తుంటే ఆయన శిష్యురాలిగా రితికా సింగ్ నటిస్తోంది. తమిళ చిత్రాన్ని తెరకెక్కించిన సుధ కొంగరనే తెలుగు వెర్షన్ ను రూపొందిస్తోంది. తమిళ చిత్రంలో శిష్యురాలు ధనుష్ ఫ్యాన్. తెలుగులో పవన్ అభిమానిగా మార్చారు. అందులో ధనుష్  పేరు మాత్రమే వినిపిస్తుంది. అతను కనిపించరు. తెలుగులో పేరు తో పాటు పవన్ కళ్యాణ్ కనిపిస్తే బాగుంటుందని వెంకటేష్ భావిస్తున్నారు. ఒక్క సీన్లో అయినా పవర్ స్టార్ ని నటింపచేయడానికి ప్రయత్నిస్తున్నట్లు తెలిసింది. వెంకటేష్ లాంటి మంచి మిత్రుడు అడిగితే పవన్ కళ్యాణ్ కాదనడని ఫిల్మ్ నగర్ వాసులు చెప్పుకుంటున్నారు.

Also, do SUBSCRIBE to our YouTube channel to get latest Tollywood updates.