స్టార్ డైరెక్టర్ త్రివిక్రమ్ శ్రీనివాస్ ప్రస్తుతం ఒక్కో సినిమాకు 20 కోట్ల రూపాయల నుంచి 25 కోట్ల రూపాయల వరకు రెమ్యునరేషన్ తీసుకుంటున్నారు. త్రివిక్రమ్ మహేష్ బాబు హీరోగా ఒక సినిమాను తెరకెక్కించే పనిలో బిజీగా ఉన్నారు. అదే సమయంలో తమిళంలో హిట్ గా నిలిచిన వినోదాయ సిత్తం సినిమా రీమేక్ స్క్రిప్ట్ లో త్రివిక్రమ్ మార్పులు చేస్తున్నట్టు జోరుగా ప్రచారం జరుగుతోంది. అయితే వినోదాయ సిత్తం సినిమా రీమేక్ విషయంలో పవన్ కళ్యాణ్ అభిమానులు త్రివిక్రమ్ శ్రీనివాస్ పై ఆగ్రహంగా ఉన్నారు.
పవన్ వరుసగా రీమేక్ లలో నటించడానికి త్రివిక్రమ్ కారణమని పవన్ కళ్యాణ్ ఫ్యాన్స్ భావిస్తూ కొంతమంది సోషల్ మీడియా వేదికగా ఆయనను ట్రోల్ చేస్తున్నారు. కొన్ని రోజుల క్రితం బండ్ల గణేష్ త్రివిక్రమ్ గురించి షాకింగ్ కామెంట్లు చేసిన ఆడియో ఒకటి సోషల్ మీడియాలో వైరల్ అయింది. ఆ ఆడియోలో ఉన్న వాయిస్ తనది కాదని బండ్ల గణేష్ చెప్పినా ఆ వాయిస్ బండ్ల గణేష్ దని పవన్ ఫ్యాన్స్ నమ్ముతున్నారు.
భీమ్లా నాయక్ ఈవెంట్ కు బండ్ల గణేష్ హాజరు కాకపోవడం పవన్ అభిమానులను బాధించిందనే సంగతి తెలిసిందే. పవన్ వరుసగా రీమేక్ సినిమాలలో నటించడంపై సోషల్ మీడియాలో ట్రోల్స్ వస్తున్నాయి. పవన్ కళ్యాణ్ కు త్రివిక్రమ్ సన్నిహితుడు కావడంతో కథల విషయంలో పవన్ కు త్రివిక్రమ్ సరైన సూచనలు చేయాలని ఫ్యాన్స్ కోరుకుంటున్నారు. మరోవైపు పవన్ కళ్యాణ్ త్రివిక్రమ్ కాంబినేషన్ లో సినిమా వస్తే బాగుంటుందని పవన్ అభిమానులు భావిస్తున్నారు.
ఈ కాంబినేషన్ లో మరో సినిమా ఎప్పుడు వస్తుందో చూడాల్సి ఉంది. పవన్ వినోదాయ సిత్తం రీమేక్ షూటింగ్ లో వచ్చే నెల నుంచి పాల్గొంటారని ప్రచారం జరుగుతుండగా ఈ వార్తల్లో నిజానిజాలు తెలియాల్సి ఉంది. సినిమాసినిమాకు పవన్ కు క్రేజ్ పెరుగుతుండటం గమనార్హం.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home