బడా స్టార్ల సంక్రాంతి సందడి అంతా సోషల్ మీడియాలోనే…!

సంక్రాంతి పండుగ వస్తుంది అంటే.. కోడి పందాలు, సంక్రాంతి ముగ్గులు, గుండాటలే కాదు.. పెద్ద హీరోల సినిమాల సందడి కూడా ఓ రేంజ్లో ఉంటుంది. అలా ఉండాలనే ప్రతీ ప్రేక్షకుడు కోరుకుంటాడు. ఎంత పెద్ద హీరో సినిమా అయినా ప్రేక్షకులను మెప్పిస్తేనే.. విన్నర్ గా నిలుస్తుంటుంది. ఈ విషయం చాలా సార్లు ప్రూవ్ అయ్యింది కూడా..!అంతెందుకు 2020 సంక్రాంతినే తీసుకోండి.. మహేష్ బాబు ‘సరిలేరు నీకెవ్వరు’, అల్లు అర్జున్ ‘అల వైకుంఠపురములో’ చిత్రాలు నువ్వా-నేనా అన్నట్టు తలబడ్డాయి.

ఫైనల్ గా అల్లు అర్జున్ సినిమానే పై చెయ్యి సాధించింది అనుకోండి. అయినా రెండు సినిమాలు బాక్సాఫీస్ ను షేక్ చేసాయి అనేది మాత్రం వాస్తవం. ఇదిలా ఉండగా.. 2021 సంక్రాంతికి మాత్రం పెద్ద సినిమాల సందడి లేదు. కరోనా వైరస్ మహమ్మారి వల్ల.. పెద్ద సినిమాల షూటింగ్ లకు అంతరాయం కలగడం.. అలాగే థియేటర్లు కూడా చాలా కాలం మూతపడి ఉండడం వల్ల.. అది సాధ్యం కావడం లేదు. అయితే సోషల్ మీడియాలో మాత్రం 2021 సంక్రాంతికి బిగ్ ఫైట్ గ్యారెంటీ అనే చెప్పాలి.

ఎందుకంటే పవన్ కళ్యాణ్ మరియు ప్రభాస్ వంటి స్టార్ హీరోల కొత్త సినిమాల టీజర్లు సంక్రాంతికే విడుదల కానున్నాయి. పవన్ కళ్యాణ్ ‘వకీల్ సాబ్’ మరియు ప్రభాస్ ‘రాధేశ్యామ్’ టీజర్ లు భోగి మరియు సంక్రాంతి కానుకలుగా విడుదల కాబోతున్నాయనేది ఇన్సైడ్ టాక్. మరి సోషల్ మీడియాలో ఈ బడా స్టార్ల సినిమాల టీజర్లు ఎలాంటి వండర్స్ క్రియేట్ చేస్తాయో చూడాలి..!

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!