‘రాజా సర్దార్ గబ్బర్ సింగ్’ పై మళ్ళీ మనసు పెడుతున్న పవన్ కళ్యాణ్..!

10 ఏళ్లుగా సరైన హిట్టు లేని పవర్ స్టార్ పవన్ కళ్యాణ్ కు.. మళ్ళీ ఆ స్థాయి హిట్ ఇచ్చిన చిత్రం ‘గబ్బర్ సింగ్’. హరీష్ శంకర్ డైరెక్షన్లో తెరకెక్కిన ఈ చిత్రం బాలీవుడ్లో సూపర్ హిట్ అయిన ‘దబాంగ్’ కు రీమేక్ అన్న సంగతి తెలిసిందే. అయితే అదే చిత్రాన్ని తమిళ్ లో శింబు రీమేక్ చెయ్యగా పెద్ద ప్లాప్ అయ్యింది. కానీ పవన్ కళ్యాణ్ .. దర్శకుడు హరీష్ శంకర్ తో చాలా మార్పులు చేయించుకుని ఆ చిత్రాన్ని చేసాడు. ఫలితంగా ఆ చిత్రం పెద్ద బ్లాక్ బస్టర్ అయ్యింది.

ఎక్కువగా పవన్ చెప్పిన మార్పుల కారణంగానే సినిమా హిట్ అయ్యింది కాబట్టి.. ఆ చిత్రానికి సీక్వెల్ ను తనే డైరెక్ట్ చెయ్యాలి అనుకున్నాడు. కానీ తరువాత సంపత్ నందికి ఆ బాధ్యతను అప్పగించాడు. కారణాలేంటో తెలీదు కానీ.. ఆ ప్రాజెక్టు నుండీ సంపత్ నంది తప్పుకున్నాడు. దాంతో బాబీతో ‘సర్దార్ గబ్బర్ సింగ్’ చేసాడు పవన్. ఆ చిత్రం ఘోర పరాజయం పాలయ్యింది. అయితే ఆ చిత్రం చివర్లో ‘రాజా సర్దార్ గబ్బర్ సింగ్’ ను కూడా చెయ్యబోతున్నట్టు హింట్ ఇచ్చేసాడు.

ఇన్నేళ్లు సైలెంట్ గా ఉన్న పవన్.. మళ్ళీ ఆ ప్రాజెక్టు పై మనసు పెట్టినట్టు తెలుస్తుంది. అయితే ఈసారి దాని బాధ్యతలను డాలి(కిశోర్ పార్థసాని) కి అప్పగించాలని భావిస్తున్నాడట. ఎప్పటినుండో అతనితో సినిమా చెయ్యాలని భావిస్తున్న నిర్మాతలతో ఈ ప్రాజెక్టుని తక్కువ బడ్జెట్ లో చెయ్యాలని పవన్ భావిస్తున్నాడట. మరి ఈ ప్రయోగం ఎంత వరకూ వర్కౌట్ అవుతుందో..!

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!