పవర్ స్టార్ పవన్ కళ్యాణ్ జనసేన పార్టీని స్థాపించిన నాటి నుంచి విమర్శలు ఎక్కువయ్యాయి. టీడీపీని ముఖ్యంగా మంత్రి లోకేష్ ని విమర్శించిన తర్వాత ఎల్లో మీడియా మొత్తం ఒక్కటై జనసేనానిపై వ్యతిరేఖ కథనాలను ప్రసారం చేస్తున్నాయి. అంతేకాకుండా పవన్ ని విమర్శించే వారితో ప్రత్యేక షోలు చేస్తూన్నాయి. అయినా పవన్ కళ్యాణ్ సొంత మీడియా ఉండాలని ఆలోచించలేదు. తాజాగా పవన్ కి సంబంధం లేని విషయంలోనూ అతన్ని లాగి, మెగా ఫ్యామిలీకి ఆవేశాన్ని కలిగించాయి. ఇక లాభం లేదనుకున్న పవన్ కళ్యాణ్ జే టీవీ ని రంగంలోకి దించారు. “మీ కోసం.. మీ తోడుగా..” అనే క్యాప్షన్ వస్తున్న జే టీవీ జనసేన పార్టీకి అండగా నిలవనున్నట్లు తెలిసింది.
ఇది పవన్ కళ్యాణ్ స్థాపించినది కాకపోయినా.. పవన్ కి మిత్రుడు ఈ ఛానల్ పెట్టినట్లు తెలిసింది. ఈ రోజు ఫిలిం ఛాంబర్ వద్ద పవన్ నిరసనను దగ్గరుండి బాగా కవర్ చేసింది జే టీవీ. అందుకే పవన్ ఫ్యాన్స్ ఈ బ్యానర్ ని సోషల్ మీడియాలో వైరల్ చేస్తున్నారు. ఈ జోరు చూస్తుంటే తెలుగులో ఉన్న ప్రధాన న్యూస్ ఛానల్స్ కి జే టీవీ గట్టి పోటీ ఇచ్చేలా కనిపిస్తోంది. ఈ ఛానల్ ఎప్పుడు ప్రారంభమవుతుంది? ఛానల్ హెడ్ ఆఫీస్ ఎక్కడ ఉంటుందనే వివరాలు త్వరలోనే తెలియనుంది.
