లండన్ పార్లమెంట్ లో అరుదైన అవార్డు అందుకున్న పవన్ కళ్యాణ్!

పవర్ స్టార్, జనసేన అధినేత పవన్ కళ్యాణ్ సేవలను భారత ప్రభుత్వం తో పాటు విదేశీయులు గుర్తిస్తున్నారు. అతని నిస్వార్ధ సేవకు గుర్తుగా అవార్డుతో సత్కరించడానికి ఆహ్వానిస్తున్నారు. అందులో భాగంగా రెండో యూరోపియన్ బిజినెస్ ఫోరం ఎక్స్ లెన్స్ అవార్డు కు పవన్ ఎంపిక అయ్యారు. లండన్ పార్లమెంట్ (హౌస్ ఆఫ్ లార్డ్స్) పిలుపు మేరకు ఈ రోజు పవన్ కళ్యాణ్ లండన్ వెళ్లారు. అక్కడే పార్లమెంట్ లో జరిగే సభలో పవన్ ఈ అవార్డు అందుకున్నారు.

పవన్ కళ్యాణ్ అక్కడి నుంచి తిరిగి రాగానే త్రివిక్రమ్ సినిమా పనుల్లో బిజీ కానున్నారు. కొన్ని నెలలలుగా అయి సినిమా కోసం పవన్ కష్టపడుతున్నారు. అజ్ఞాతవాసి అనే టైటిల్ పరిశీలిస్తున్న ఈ సినిమాతో తమ అరికార్డును తామే బద్దలు కొట్టాలని త్రివిక్రమ్, పవన్ కళ్యాణ్ భావిస్తున్నారు. అభిమానుల అంచనాలకు మించి ఈ సినిమా ఉండబోతోందని అనిరుద్ ఫస్ట్ సింగిల్ స్పష్టం చేసింది. “బైటికొచ్చి చూస్తే” పాట ఇప్పుడు యువత పేవరేట్ సాంగ్ అయింది. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీ జనవరి 10 న రిలీజ్ కానుంది.