పవన్ కళ్యాణ్, త్రివిక్రమ్ ల సాన్నిహిత్యం గురించి ప్రత్యేకంగా చెప్పనవసరం లేదు. పవన్ సినిమాల విషయాల్లోనే కాదు… పర్సనల్ విషయాల్లో కూడా త్రివిక్రమ్ జోక్యం ఉంటుంది అనేది ఇన్సైడ్ వర్గాలు ఎప్పుడూ చెబుతుండే మాట. ‘జల్సా’ సినిమా షూటింగ్ టైం నుండీ వీరి స్నేహబంధం బలపడుతూనే వచ్చింది. వీరి కాంబినేషన్లో 3 సినిమాలు వచ్చాయి. అందులో రెండు బ్లాక్ బస్టర్లు, ఒక డిజాస్టర్ మూవీ ఉంది. వాటితో పాటు పవన్ నటించిన ‘తీన్ మార్’ ‘భీమ్లా నాయక్’ వంటి సినిమాలకి కూడా త్రివిక్రమ్ రైటర్ గా పనిచేసారు.
పవన్ ఓ పక్క రాజకీయాల్లో బిజీగా ఉండడంతో.. ఆయన చేయబోయే సినిమా కథల్ని త్రివిక్రమ్ ఫైనల్ చేస్తుంటారు. ప్రస్తుతం పవన్ ‘హరిహర వీరమల్లు’ అలాగే హరీష్ శంకర్ దర్శకత్వంలో ఓ సినిమా చేయబోతున్నారు. వాటి కంటే ముందే ‘వినోదయ సీతమ్’ అనే తమిళ చిత్రాన్ని రీమేక్ చేసే ఆలోచనలో కూడా పవన్ ఉన్నట్టు ప్రచారం జరుగుతుంది. ఇదిలా ఉండగా.. గురువారం నాడు హైదరాబాద్ లో నిర్వహించిన ఓ పుస్తకం ఆవిష్కరణలో పవన్ కళ్యాణ్ పాల్గొన్నారు.
ఈ క్రమంలో ఆయన త్రివిక్రమ్ గురించి కొన్ని ఆసక్తికరమైన కామెంట్లు చేశారు. “నాకు, త్రివిక్రమ్ గారికి అన్ని విషయాల్లోనూ సిమిలారిటీస్ ఉంటాయి. ఒక్క పుస్తకాల విషయంలోనే మా ఇద్దరి మధ్య తేడాలు ఉంటాయి. మేము ఇద్దరం కూడా పుస్తకాల పురుగులమే.కానీ నా దగ్గర ఉన్న పుస్తకాల్లో త్రివిక్రమ్ గారికి ఏమైనా నచ్చి ఇవ్వమని అడిగితే నేను అస్సలు ఇవ్వను. ఓ సినిమా ఫ్రీగా అయినా చేస్తాను కానీ ఆయన అడిగిన పుస్తకాలు మాత్రం ఇవ్వలేను” అంటూ చెప్పుకొచ్చారు పవన్ కళ్యాణ్.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home