పవన్ ప్రవర్తనలో ఈ మార్పు మంచిదే అంటున్నారంతా!

September 3, 2020 / 06:21 PM ISTByFilmy Focus

Join Us

పవన్ ప్రవర్తనలో ఈ మార్పు మంచిదే అంటున్నారంతా!

పవర్ స్టార్ పవన్ కళ్యాణ్ పుట్టిన రోజు ఎప్పుడు… సెప్టెంబర్ 2నా!? లేదా సెప్టెంబర్ 3నా!? ఈ రోజు ట్విట్టర్ లో కొంత మందికి ఈ సందేహం వస్తే తప్పు లేదు. పవన్ పుట్టినరోజు హడావిడి, ‘#HBDPawanKalyan’ హ్యాష్ ట్యాగ్ ఇంకా కనిపిస్తున్నాయి. తనకు పుట్టినరోజు శుభాకాంక్షలు తెలియజేసిన ప్రతి ఒక్కరికి పేరు పేరునా పవన్ కళ్యాణ్ కృతజ్ఞతలు తెలుపుతూ రిప్లై ఇస్తున్నారు. అందువల్ల, పవన్ బర్త్ డే ట్వీట్లు మళ్లీ ప్రేక్షకుల టైమ్ లైన్ మీదకు వస్తున్నాయి.

‘అజ్ఞాతవాసి’ టీజర్ చివర్లో మురళీశర్మ డైలాగ్ గుర్తుందా? ‘వీడి చర్యలు ఊహాతీతం వర్మా!’ అని అంటారు. ప్రెజెంట్ నెటిజన్ల రియాక్షన్ సేమ్ టు సేమ్ అలాగే ఉంది! పవన్ కళ్యాణ్ తనకు శుభాకాంక్షలు తెలియజేసిన ప్రతి ఒక్కరికి రిప్లై ఇస్తారని ఎవరూ ఊహించలేదు. సాధారణంగా తాను చెప్పాలనుకున్న విషయాన్ని అందరికీ తెలియజేయడానికి పవన్ ట్విట్టర్ ఉపయోగిస్తారు. వెల్లువలా రిప్లైలు ఎప్పుడు ఇవ్వలేదు. ఇప్పుడు ఒక్కసారిగా ఒకరి తర్వాత మరొకరుకి రిప్లైలు ఇస్తుంటే చాలా మంది షాక్ లో ఉన్నారు. పవన్ చర్యలు ఊహాతీతం అని అంటున్నారు.

Pawan Kalyan shocks everyone1

మురళీ శర్మ డైలాగ్ తర్వాత ‘దట్స్ ది బ్యూటీ’ అనే రావు రమేష్ అంటారు కదా! పవన్ కళ్యాణ్ అభిమానులు సేమ్ టు సేమ్ అదే డైలాగ్ చెబుతున్నారు ఇప్పుడు. పవన్ లో ఈ మార్పు మంచిదే అంటున్నారు. తమ అభిమాన హీరో సోషల్ మీడియాలో మరింత యాక్టివ్ అవ్వాలని కోరుకుంటున్నారు.