దేశంలో కరోనా సెకండ్ వేవ్ విజృంభిస్తోంది. ఫస్ట్ వేవ్ కంటే వేగంగా కేసులు నమోదు కావడంతో పరిస్థితి ఆందోళనకరంగా మారింది. గతేడాదితో పోలిస్తే దారుణమైన పరిస్థితులు కనిపిస్తున్నాయి. సామాన్యులతో పాటు సెలబ్రిటీలు కూడా కరోనా బారిన పడుతున్నారు. ఈ నేపథ్యంలో జనసేన అధినేత, పవర్ స్టార్ పవన్ కళ్యాణ్ కరోనా టెస్ట్ చేయించుకున్నారు. ఈ పరీక్షల్లో ఆయనకి నెగెటివ్ అని తేలింది. గతవారం ‘వకీల్ సాబ్’ సినిమా విడుదల కాగానే పవన్ కళ్యాణ్ ఐసోలేషన్ లోకి వెళ్లారు.
‘వకీల్ సాబ్’ సినిమా నిర్మాత దిల్ రాజు, హీరోయిన్ నివేదా థామస్ లతో పాటు పలువురు టీమ్ మెంబర్స్ కి కరోనా సోకింది. అలానే పవన్ కళ్యాణ్ వ్యక్తిగత సిబ్బంది, జనసేన పార్టీకి చెందిన కీలకమైన వ్యక్తులకు కూడా కరోనా వచ్చింది. దాంతో డాక్టర్ల సలహా మేరకు.. పవన్ కళ్యాణ్ ఐదు రోజుల పాటు ఐసోలేషన్ కి వెళ్లారు. నిన్న హైదరాబాద్ లోని ట్రినిటీ హాస్పిటల్ కి వెళ్లి టెస్ట్ చేయించుకోగా.. ఆయనకి నెగెటివ్ అని రిపోర్ట్ వచ్చింది.
పవన్ కళ్యాణ్ తన నిర్మాత నాగవంశీతో కలిసి టెస్ట్ కి వెళ్లినట్లు తెలుస్తోంది. ప్రస్తుతం పవన్ ‘హరిహర వీరమల్లు’ సినిమాతో పాటు నాగవంశీ నిర్మిస్తోన్న ‘అయ్యప్పనుమ్ కోశియుమ్’ సినిమా రీమేక్ లో నటిస్తున్నారు. ఈ సినిమా షూటింగ్ కొత్త షెడ్యూల్ లో పవన్ పాల్గొనున్నారు. దానికంటే ముందుగా.. పవన్ వాక్సినేషన్ వేయించుకోవాలని నిర్ణయించుకున్నారు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home