Pawan Kalyan: మేనల్లుడి కోసం సినిమా ఒప్పేసుకున్న పవన్‌? అతని ఆలోచనేనా?

పవన్‌ కల్యాణ్‌ కొత్త సినిమా ఓకే అవ్వాలి అంటే.. త్రివిక్రమ్‌ అందులో భాగంగా కావల్సిందేనా? ఏమో ఇటీవల కాలంలో పవన్‌ సినిమాల లెక్క అలానే ఉంటోంది మరి. ప్రస్తుతం పవన్‌ చేస్తున్న నాలుగు సినిమాల్లో మూడు సినిమాలకు త్రివిక్రమ్‌కు సంబంధం ఉంది అంటున్నారు. అలాగే ఇదే కాంబోలో మరో సినిమా ఒకే అయ్యిందని సమాచారం. ఇంకా చెప్పాలంటే ఈ సినిమాను మేనల్లుడి కోసం చేస్తున్నాడట పవన్‌. ఇప్పటికే ఓ మేనల్లుడి కోసం సినిమా చేస్తుండగా, ఇప్పుడు వేరే మేనల్లుడి కోసం ఓకే చేశారట.

సుధీర్‌ వర్మ దర్శకత్వంలో పవన్‌ కల్యాణ్‌ (Pawan Kalyan) ఓ సినిమా చేస్తారనే విషయం తెలిసిందే. ఇటీవల ‘రావణాసుర’ సినిమా ప్రచారంలో భాగంగా సుధీర్‌ వర్మ ఈ విషయాన్ని వెల్లడించారు. త్రివిక్రమ్‌ ఓ కథ సిద్ధం చేశారని, పవన్‌ హీరోగా తెరకెక్కబోయే ఆ సినిమాను తాను డైరెక్ట్ చేస్తానని చెప్పుకొచ్చారు ఆయన. అయితే ఆ సినిమా మల్టీస్టారర్‌ అని సమాచారం. అందులో రెండో హీరోగా వైష్ణవ్‌ తేజ్‌ నటిస్తాడని అంటున్నారు. ఈ మేరకు చర్చలు, ఉప చర్చలు, లెక్కలు ఓ కొలిక్కి వచ్చాయని భోగట్టా. త్వరలోనే అఫీషియల్‌ అనౌన్స్‌మెంట్ ఉంటుంది అంటున్నారు.

ప్రస్తుతం సాయిధరమ్‌తేజ్‌తో ‘వినోదాయ చిత్తాం’ సినిమా #PKSDT అనే వర్కింగ్‌ టైటిల్‌తో రూపొందుతోంది. ఇప్పుడు కొత్త సినిమాకు #PKVT అనే వర్కింగ్‌ టైటిల్‌ అవుతుంది. ఈ సినిమా కథ, స్క్రీన్‌ప్లే, డైలాగ్స్ బాధ్యతలు త్రివిక్రమ్‌ చూసుకుంటారట. సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ ఈ సినిమాలను నిర్మిస్తాయట. ఈ మేరకు ఏర్పాట్లను వేగవంతం చేశారు అని చెబుతున్నారు.

వచ్చే అసెంబ్లీ ఎన్నికల్లోపు వరుస సినిమాలు చేయడంతోపాటు, ఇటు మేనల్లుళ్ల కోసం సినిమాలు చేయడానికి పవన్‌ ముందుకు రావడంతో ఫ్యాన్స్‌ హ్యాపీగా ఉన్నారు. ఈ సినిమా కోసం పవన్‌ చాలా తక్కువ రోజులే ఇస్తున్నారట. ఆ మేరకు షూటింగ్‌ ప్లాన్డ్‌గా సాగేలా చూసుకుంటున్నారట. మరి ఈ ప్రాజెక్ట్‌ ఎప్పుడు ఉంటుందో చూడాలి. ఇది స్టార్ట్‌ అయితే సెట్స్‌ మీద పవన్‌ సినిమాలు ఐదు అవుతాయి.

శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!

బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!