మహేష్ ఫ్యామిలీకి పవన్ ఫ్యామిలీ క్రిస్మస్ కానుకలు

ఇండస్ట్రీలో పవన్ కళ్యాణ్ – మహేష్ బాబులకు ఉన్న క్రేజ్ వేరు. వాళ్ళిద్దరి బాండింగ్ కూడా అదే స్థాయిలో ఉంటుంది. “అర్జున్” పైరసీ విషయంలో ఇండస్ట్రీ నుంచి మహేష్ కి సపోర్ట్ గా నిలిచిన ఏకైక హీరో పవన్ కళ్యాణ్. ఆ కృతజ్ఞతతోనే పవన్ “జల్సా” సినిమాకి వాయిస్ ఓవర్ ఇచ్చాడు మహేష్ బాబు. అయితే.. ఈమధ్యకాలంలో ఈ ఇద్దరు కలిసి ఒక స్టేజ్ మీద మాత్రం కనిపించలేదు. అయితే.. పవన్ కళ్యాణ్ పుట్టినరోజున మహేష్ వాళ్ళిద్దరి పాత ఫోటో షేర్ చేసి విషెస్ చెప్పడం పవన్ అభిమానులకు అంతులేని ఆనందాన్నిచ్చింది.

చరణ్ ఆల్రెడీ మహేష్ తో మంచి అనుబంధాన్ని పంచుకున్నాడు. సితార పుట్టినరోజున చరణ్ గిఫ్ట్స్ పంపడం, ఉపాసనకు మహేష్-నమ్రతలు గిఫ్ట్స్ పంపడం సర్వసాధారణం అయిపొయింది. అయితే.. రేపు క్రిస్మస్ ను పురస్కరించుకొని పవన్ కళ్యాణ్ సతీమణి అన్నా సూపర్ స్టార్ మహేష్ బాబు & నమ్రతలకు క్రిస్మస్ స్పెషల్ గూడీస్ ను పంపారు. సదరు గిఫ్ట్స్ ను నమ్రత ఇంస్టాగ్రామ్ లో షేర్ చేసింది. ఆ ఫోటోలు వైరల్ అవుతున్నాయి.

చక్కగా చేతి వ్రాతలో “అన్నా & పీకే” అని స్పెషల్ మెసేజ్ తో పంపిన గిఫ్ట్స్ ఇప్పుడు ట్రెండ్ అవుతున్నాయి. ఇలా సోషల్ మీడియాలో మాత్రమే కాకుండా పవన్-మహేష్ లు ఏదైనా వేదిక మీద కలిసి కనిపిస్తే బాగుండు అని వెయిట్ చేస్తున్నారు ఇరు వర్గాల అభిమానులు.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!