పవన్ తో దిల్ రాజు డీల్ ఇదేనా..?

పవర్ స్టార్ పవన్ కళ్యాణ్ తో సినిమాలు చేయాలని చాలా మంది దర్శకనిర్మాతలు ఆశ పడుతుంటారు. ప్రముఖ నిర్మాత దిల్ రాజుకి కూడా పవన్ కళ్యాణ్ తో ఓ సినిమా తీయాలని కోరిక. కానీ ఆయన రాజకీయాల్లో బిజీ అవ్వడంతో తన కోరిక నెరవేరదేమో అనుకున్నాడు. కానీ పవన్ రీఎంట్రీలో దిల్ రాజుకి ఛాన్స్ వచ్చింది. ‘వకీల్ సాబ్’ సినిమాను నిర్మించే బాధ్యతలు దిల్ రాజు తీసుకున్నాడు. అయితే ఈ సినిమాకి పవన్ ఎంత రెమ్యునరేషన్ తీసుకున్నాడు..? అసలు ఈ సినిమా కోసం దిల్ రాజుతో ఎలాంటి డీల్ చేసుకున్నాడనే విషయాలు ఆసక్తికరంగా మారాయి.

అందుతున్న సమాచారం ప్రకారం.. పవన్ ఈ సినిమాకి గాను మొత్తం రూ.50 కోట్లు అందుకోబోతున్నట్లు సమాచారం. సినిమా పూర్తి చేసేలోపు రూ.25 కోట్లు అందుతాయి. సినిమా మార్కెట్ మొదలుపెట్టిన తరువాత అందులో వచ్చే తొలి పాతిక కోట్లు కూడా పవన్ కే ఇవ్వాలి. అంటే మొత్తంగా యాభై కోట్లన్నమాట. ఇదే పవన్ తో దిల్ రాజు చేసుకున్న దిల్ అని చెబుతున్నారు. కాగా, ఈ కరోనా కారణంగా అదనపు వడ్డీల భారం పెరగడంతో అన్నీ కలుపుకొని ఈ సినిమాను రూ.40 కోట్లలో పూర్తి చేయాలని దిల్ రాజు ప్లాన్ చేస్తున్నాడు.

పవన్ రెమ్యునరేషన్ తో కలుపుకొని రూ.90 కోట్లు. ఈ మొత్తంలో యాభై కోట్ల వరకు నాన్ థియేటర్ రూపంలో వస్తాయనేది దిల్ రాజు నమ్మకం. ఇక చాలా కాలం తరువాత థియేటర్ లో వచ్చే సినిమా, అది కూడా పవన్ కళ్యాణ్ హీరో కాబట్టి థియేటర్ నుండి కూడా భారీ వసూళ్లు వస్తాయని భావిస్తున్నారు. వేణుశ్రీరామ్ డైరెక్ట్ చేస్తోన్న ఈ సినిమా ప్రస్తుతం షూటింగ్ దశలో ఉంది. వచ్చే ఏడాదిలో సినిమాను రిలీజ్ చేయడానికి ప్లాన్ చేస్తున్నారు.

Most Recommended Video

బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?