Payal Rajput: జిన్నా సినిమాలో తన పాత్ర పై ఓపెన్ అయిన పాయల్?

October 20, 2022 / 07:47 PM ISTByFilmy Focus

Join Us

Payal Rajput: జిన్నా సినిమాలో తన పాత్ర పై ఓపెన్ అయిన పాయల్?

మంచు విష్ణు, సన్నీలియోన్, పాయల్ రాజ్ పుత్ హీరో హీరోయిన్లుగా ఈషాన్ సూర్య దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం జిన్నా. ఈ సినిమా యాక్షన్ ఎంటర్టైనర్ గా దీపావళి పండుగను పురస్కరించుకొని అక్టోబర్ 21వ తేదీ ప్రేక్షకులు ముందుకు రానుంది.ఇక ఈ సినిమాపై ఎన్నో ఆశలు పెట్టుకున్నటువంటి మంచు విష్ణు పెద్ద ఎత్తున సినిమా విజయం పట్ల ధీమా వ్యక్తం చేయడమే కాకుండా ఈ సినిమా ప్రమోషన్ కార్యక్రమాలను నిర్వహిస్తున్నారు.

ఇప్పటికే ఈ సినిమా నుంచి విడుదలైనటువంటి పోస్టర్స్ ట్రైలర్ టీజర్ పెద్ద ఎత్తున సినిమాపై అంచనాలు పెంచేసింది. ఈ సినిమాతో విష్ణు హిట్ కొట్టేలాగే ఉన్నారంటూ పలువురు ఈ సినిమాపై వారి అభిప్రాయాలను వ్యక్తం చేస్తున్నారు. ఇకపోతే ఈ సినిమా విడుదలకు కొన్ని గంటలు మాత్రమే ఉండడంతో చిత్ర బృందం ప్రమోషన్ కార్యక్రమాలను వేగవంతం చేశారు. ఈ క్రమంలోనే ఈ సినిమాలో హీరోయిన్గా నటించిన పాయల్ ఓ ఇంటర్వ్యూలో పాల్గొన్నారు.

ఈ ఇంటర్వ్యూ సందర్భంగా ఈమె ఈ సినిమా గురించి ఎన్నో ఆసక్తికరమైన విషయాలను వెల్లడించారు. ఈ సందర్భంగా పాయల్ మాట్లాడుతూ తాను ఈ సినిమాలో నటించడానికి ముఖ్య కారణం మోహన్ బాబు సార్ గారు అంటూ సమాధానం చెప్పారు. ఆయన వల్లే తనకు ఈ సినిమాలో నటించే అవకాశం వచ్చిందని ఈమె వెల్లడించారు.ఒకరోజు మోహన్ బాబు గారు తనకు ఫోన్ చేసి అనగనగా ఓ అతిథి సినిమాలో ఎంతో అద్భుతంగా నటించానని తన నటనపై ప్రశంసలు కురిపించారు.

ఆరోజు మోహన్ బాబు గారు తనకు ఫోన్ చేసి తనపై ప్రశంసలు కురిపించడం ఎంతో సంతోషం అనిపించిందని అయితే ఇలా ఆయన ఫోన్ చేసిన రెండు నెలలకి తనకు జిన్నా సినిమాలో అవకాశం వచ్చిందని ఈమె తెలిపారు. ఇక మంచు విష్ణు గురించి మాట్లాడుతూ ఆయన ఎంతో హంబుల్ ఎనర్జిటిక్ అంటూ మంచు విష్ణు గురించి వెల్లడించారు.ఇక ఈ సినిమాలో తాను పికిల్స్ అమ్ముకునే ఒక గ్రామీణ యువతి పాత్రలో కనిపిస్తానంటూ ఈ సందర్భంగా తన పాత్ర గురించి ఓపెన్ అయ్యారు.