Payal Rajput : షూటింగ్ మధ్యలో పాయల్ రాజ్‌పుత్‌కు వింత అనుభవం.. వైరల్ అవుతున్న వీడియో !

టాలీవుడ్‌లో తన ప్రత్యేకమైన గ్లామర్‌తో పాటు నటనతో గుర్తింపు తెచ్చుకున్న ముద్దుగుమ్మ పాయల్ రాజ్ పుత్ గురించి సినీ ప్రేక్షకులకు ప్రత్యేకంగా చెప్పాల్సిన అవసరం లేదు. RX 100 సినిమాతో ఒక్కసారిగా సెన్సేషన్‌గా మారిన ఈ బ్యూటీ, అప్పటి నుంచి సినిమాలతో పాటు సోషల్ మీడియాలో కూడా యాక్టివ్‌గా ఉంటూ అభిమానులతో ఎప్పటికప్పుడు టచ్‌లో ఉంటోంది.

Payal Rajput

ఇటీవల ఆమె షేర్ చేసిన ఒక వీడియో నెట్టింట వైరల్ అవుతోంది. సాధారణంగా సినిమా షూటింగ్స్ అంటే గంటల పాటు సాగుతాయి. ఈ సమయంలో నటీనటులు ధరించే కాస్ట్యూమ్స్‌లో చిన్న చిన్న సమస్యలు రావడం సహజం. అయితే పాయల్‌కు షూటింగ్ మధ్యలో ఎదురైన పరిస్థితి మాత్రం అందరినీ ఆశ్చర్యపరుస్తోంది.

షూటింగ్ విరామ సమయంలో ఆమె వేసుకున్న డ్రెస్ ముడతలు పడటంతో, వెంటనే దాన్ని సరిచేయాల్సిన పరిస్థితి ఏర్పడింది. కానీ టైమ్ లేకపోవడంతో యూనిట్ సభ్యులు, పాయల్ డ్రెస్ మార్చకుండా, ఆమె వేసుకున్నట్లుగానే జాగ్రత్తగా ఐరన్ చేసి ముడతలను సరి చేశారు. ఇదంతా చూసి పాయల్ ఒక్కసారిగా షాక్ అయినా, వెంటనే నవ్వును ఆపుకోలేకపోయింది. ఈ ఫన్నీ మూమెంట్‌ను ఆమె సోషల్ మీడియాలో షేర్ చేయడంతో నెటిజన్లు భిన్నంగా స్పందిస్తున్నారు. “హీరోయిన్ల కష్టాలు ఇలా ఉంటాయా!”, “మీ డెడికేషన్‌కు హ్యాట్సాఫ్” అంటూ కామెంట్లు వెల్లువెత్తుతున్నాయి.

ప్రస్తుతం పాయల్ పలు భాషల్లో ఆసక్తికరమైన ప్రాజెక్టులతో బిజీగా ఉంది. గ్లామర్ రోల్స్‌తో పాటు కంటెంట్ ఓరియెంటెడ్ పాత్రలను ఎంచుకుంటూ తన కెరీర్‌ను ముందుకు తీసుకెళ్తోంది. ఇలాంటి సరదా వీడియోలతో తన ఫ్యాన్స్‌కు ఎంటర్‌టైన్‌మెంట్ అందిస్తుంది ఈ భామ.

Mangli: మంగ్లీపై కేసు నమోదు.. తిరిగి కేసు పెట్టిన సింగర్‌.. ఏమవుతోంది?