Peddi: బూమ్రాకి క్షమాపణలు తెలిపిన రామ్ చరణ్… ‘బన్నీ కంటే బెటరే’ అంటూ..!

సినిమా ప్రమోషన్ల హడావుడిలో భాగంగా ఏర్పాటు చేసే వేడుకల్లో ఒక్కోసారి వేలాది మంది అభిమానులు హాజరవుతూ ఉంటారు. వారి మధ్య స్టార్స్ కొంత ఒత్తిడి ఫీల్ అవుతూ ఒక్కోసారి టంగ్ స్లిప్ అవ్వడం అనేది కొత్త విషయం ఏమీ కాదు.

Peddi

తాజాగా గ్లోబల్ స్టార్ రామ్ చరణ్‌కు కూడా ఇలాంటి అనుభవమే ఎదురైంది. జూన్ 4న విడుదల రామ్ చరణ్  మోస్ట్ అవైటెడ్ పాన్ ఇండియా మూవీ ‘పెద్ది'(Peddi) రిలీజ్ కాబోతుంది. దీని ప్రమోషన్స్‌లో భాగంగా నిన్న భోపాల్‌లో ఒక భారీ ఈవెంట్‌ను నిర్వహించారు.

ఈ వేడుకలో చరణ్ మాట్లాడే క్రమంలో ఒకటి రెండు సార్లు టంగ్ స్లీప్ అయ్యారు. ఒకసారి భోపాల్ అనబోయి ‘బీహార్’ అని పలికారు. తర్వాత భారత క్రికెట్ దిగ్గజాల గురించి మాట్లాడే క్రమంలో పేసర్ జస్ప్రీత్ బుమ్రాను పొరపాటున ‘ఫుట్‌బాల్ ప్లేయర్’ అని ప్రస్తావించారు. దీంతో సోషల్ మీడియాలో నెటిజన్లు చరణ్‌ను ట్రోల్ చేయడం ప్రారంభించారు.అయితే, తన పొరపాటును త్వరగానే గ్రహించిన రామ్ చరణ్.. ఏమాత్రం ఈగోకు పోకుండా ట్విట్టర్ వేదికగా స్పందించి క్షమాపణలు తెలిపాడు.

“పేర్లు గుర్తుపెట్టుకోవడంలో నేను చాలా వీక్. బూమ్రాకు మనస్ఫూర్తిగా క్షమాపణలు చెబుతున్నాను. అతని ఆటంటే నాకు చాలా ఇష్టం” అంటూ క్లారిటీ రాసుకొచ్చాడు. చరణ్ తప్పును ఒప్పుకున్న విధానాన్ని అందరూ అభినందిస్తుంటే, కొంతమంది నెటిజెన్లు అందులోనూ ఎక్కువగా అల్లు అర్జున్ అభిమానులు మాత్రం చరణ్ ట్వీట్ పై కూడా విమర్శలు గుప్పించారు.

దీంతో రంగంలోకి దిగిన మెగా అభిమానులు.. గతంలో ఒక వేదికపై తెలంగాణ ముఖ్యమంత్రి రేవంత్ రెడ్డి పేరు మర్చిపోయి, అల్లు అర్జున్ కవర్ చేయడానికి ప్రయత్నించిన పాత వీడియోను తెరపైకి తెచ్చారు. ‘తప్పును హుందాగా ఒప్పుకున్న చరణ్ గొప్పదా? లేక అల్లు అర్జున్ కవరింగ్ చేసిన విధానం గొప్పదా?’ అంటూ బన్నీ ఫ్యాన్స్‌కు గట్టిగానే కౌంటర్లు ఇస్తున్నారు.

బూమ్రా ఫుట్-బాల్ ప్లేయరా.. ట్రోలర్స్ కి దొరికేసిన చరణ్