రామ్ చరణ్ – శర్వాలతో అర్జున్ రెడ్డి డైరెక్టర్!

మెగా పవర్ స్టార్ రామ్ చరణ్ తేజ్, యువ హీరో శర్వానంద్ లు స్క్రీన్ ని షేర్ చేసుకోనున్నారా? .. వారిద్దరితో అర్జున్ రెడ్డి డైరక్టర్ సందీప్ వంగా అద్భుతమైన ట్రై యాంగిల్ లవ్ స్టోరీ ని తెరకెక్కించనున్నారా? అంటే.. అవుననే సమాధానమిస్తున్నాయి టాలీవుడ్ వర్గాలు. ప్రస్తుతం కథ డిస్కషన్స్ జరుగుతున్నాయని వెల్లడించాయి. తొలి సినిమాతోనే సందీప్ సెన్సేషన్ సృష్టించారు. అదే కథను బాలీవుడ్ లో డైరక్ట్ చేయడానికి సన్నాహాలు చేస్తున్నారు. ఆలోపునే నెక్స్ట్ ప్రాజెక్ట్ కోసం కథ సిద్ధం చేస్తున్నారు. అర్జున్ రెడ్డి కథని మొదట శర్వానంద్ కి వినిపించారు. అప్పుడు నో చెప్పి తప్పుచేసానని శర్వా బాధపడ్డారు.

సందీప్ ఎప్పుడు అడిగినా  డేట్స్ ఇవ్వడానికి తాను సిద్ధమని అందరి ముందు ప్రకటించారు. సో శర్వావైపు లైన్ క్లియర్ అయింది. అలాగే యువీ క్రియేషన్స్ వారు సందీప్ చిత్రాన్ని నిర్మించడానికి రెడీగా ఉన్నారు. మెగా హీరోని ఈ ప్రాజెక్ట్ లో ఇన్వాల్వ్ చేస్తే ఇది క్రేజీ ప్రాజెక్ట్ అవుతుందని భావించిన సందీప్.. శర్వా, చెర్రీ కి సూటయ్యే కథని ప్రిపేర్ చేశారు. రంగస్థలం షూటింగ్ లో పాల్గొంటూనే సమయం ఉన్నప్పుడు సందీప్ కథ చర్చల్లో రామ్ చరణ్ పాల్గొంటున్నారు.ఈ రోజు ఉపాసన ఏర్పాటు చేసిన క్రిస్మస్ ట్రీ వద్దకు సందీప్ వంగా కూడా వచ్చారు. రామ్ చరణ్ తో కాసేపు డిస్కషన్ చేసినట్టు సమాచారం. రంగస్థలం తర్వాత రామ్ చరణ్ బోయపాటి శ్రీను దర్శకత్వంలో సినిమా చేయనున్నారు. దాని తర్వాత సందీప్ వంగతో మూవీ చేయడం పక్కా అని తెలుస్తోంది. అయితే ఈ మూవీ ప్రకటన వచ్చే సంవత్సరంలో ఉండనుంది.