మణిరత్నం డైరెక్షన్ లో అత్యంత భారీ బడ్జెట్ తో పొన్నియిన్ సెల్వన్ భారీ బడ్జెట్ తో తెరకెక్కి థియేటర్లలో విడుదలైన సంగతి తెలిసిందే. తెలుగు రాష్ట్రాలలో ఈ సినిమాకు ప్రేక్షకుల నుంచి నెగిటివ్ టాక్ వచ్చింది. బాహుబలితో పోల్చుకుని ఈ సినిమాను చూసిన తెలుగు రాష్ట్రాల ప్రేక్షకులు ఈ సినిమా తమకు ఏ మాత్రం నచ్చేలా లేకపోవడంతో తెగ ఫీలవుతున్నారు. ఇప్పటికే ఈ సినిమాకు బుకింగ్ చేసుకున్న తెలుగు రాష్ట్రాల ప్రేక్షకులు బుకింగ్ ను క్యాన్సిల్ చేసుకుంటున్న పరిస్థితులు నెలకొన్నాయి.
టాలీవుడ్ క్రిటిక్స్ సైతం ఈ సినిమాకు తక్కువగానే రేటింగ్స్ ఇస్తుండటం గమనార్హం. అయితే తమిళ క్రిటిక్స్ మాత్రం పొన్నియిన్ సెల్వన్ కు పాజిటివ్ గా రివ్యూలు ఇచ్చారు. ఈ సినిమాలో అసలు నెగిటివ్ పాయింట్స్ లేవనే విధంగా కోలీవుడ్ క్రిటిక్స్ వ్యవహరించారు. తమిళంలో కొంతమంది క్రిటిక్స్ ఈ సినిమాకు 4కు అటూఇటుగా రేటింగ్ ఇవ్వడం గమనార్హం. ఈ సినిమా బాహుబలిని మించి అద్భుతంగా ఉందనేలా తమిళ క్రిటిక్స్ కామెంట్లు చేశారు.
పొన్నియన్ సెల్వన్ సినిమాలో కొన్ని సన్నివేశాలు బాగున్నా మిగతా సన్నివేశాలు ఏ మాత్రం ఆకట్టుకునేలా లేకపోవడం గమనార్హం. తమిళనాడు ప్రేక్షకులు ఇలాంటి క్వాలిటీ లేని సినిమాలను ప్రోత్సహించడం వల్ల భవిష్యత్తులో కూడా ఈ తరహా సినిమాలే వచ్చే అవకాశం ఉందని కొంతమంది కామెంట్లు చేస్తుండగా ఆ కామెంట్లు సోషల్ మీడియాలో వైరల్ అవుతున్నాయి. గతంలో కూడా తెలుగులో డిజాస్టర్లుగా నిలిచిన కొన్ని సినిమాలు తమిళంలో బ్లాక్ బస్టర్ హిట్లుగా నిలిచాయి.
సినిమాకు టాక్ ఆశించిన స్థాయిలో లేకపోయినా కలెక్షన్లు మాత్రం బాగానే ఉన్నాయని తెలుస్తోంది. తెలుగు రాష్ట్రాల్లో ఈ సినిమా బ్రేక్ ఈవెన్ అయ్యే అవకాశాలు ఉన్నాయి. ఈ సినిమాకు అడ్వాన్స్ బుకింగ్స్ మాత్రం బాగానే ఉన్నాయని సమాచారం అందుతోంది. అడ్వాన్స్ బుకింగ్స్ బాగానే ఉండటం తమిళ వెర్షన్ కూడా తెలుగు రాష్ట్రాల్లో రిలీజ్ కావడం ఈ సినిమాకు ఒకింత ప్లస్ అయింది.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home