నా మాటలను తప్పుగా అర్ధం చేసుకున్నారు.. హీరోయిన్ క్లారిటీ!

టాలీవుడ్ లో స్టార్ హీరోయిన్ గా గుర్తింపు తెచ్చుకున్న నటి పూజాహెగ్డే ఇటీవల ఓ ఇంటర్వ్యూలో చేసిన కామెంట్స్ వివాదాస్పదంగా మారాయి. సౌత్ ఇండస్ట్రీపై ఆమె చేసిన వ్యాఖ్యలు అభిమానులను ఆగ్రహానికి గురి చేశాయి. సౌత్ సినిమా వాళ్లు నడుమంటే పిచ్చి అని.. వాళ్ళు ఎప్పుడూ కూడా హీరోయిన్లను మిడ్ డ్రెస్ లలో చూడాలనుకుంటారని చెప్పుకొచ్చింది. పూజా చేసిన ఈ కామెంట్స్ సోషల్ మీడియాలో వైరల్ అయ్యాయి. సౌత్ ఇండస్ట్రీతో స్టార్ డమ్ పొంది ఇప్పుడు అదే ఇండస్ట్రీపై విమర్శలు చేయడంతో ఫ్యాన్స్ హర్ట్ అయ్యారు.

దీంతో ఆమెని ట్రోల్ చేయడం మొదలుపెట్టారు. ఇష్టం లేకపోతే ఎక్స్ పోజ్ చేయడం మానేసి నటనకు ప్రాధాన్యత ఉన్న పాత్రలు చేసుకోవాలంటూ క్లాసులు పీకారు. గత రెండు రోజులుగా ఈ టాపిక్ సోషల్ మీడియాలో వైరల్ అవుతోంది. దీంతో పూజా రియాక్ట్ అవ్వక తప్పలేదు. తాను చేసిన కామెంట్స్ కెరీర్ కి ఎఫెక్ట్ అయ్యేలా కనిపించడం వెంటనే దిద్దుబాటు చర్యలు మొదలెట్టింది. తానొక ఇంటర్వ్యూలో చెప్పిన మాటలను వేరే సందర్భానికి అన్వయిస్తున్నారని చెప్పింది.

అక్షరాన్ని మార్చగలరేమో అభిమానాన్ని కాదంటూ ఎమోషనల్ గా మాట్లాడింది. తనకు ఎప్పటికీ తెలుగు చలనచిత్ర పరిశ్రమ ప్రాణ సమానమని పేర్కొంది. ఇది తనను, తన చిత్రాలను అభిమానించే వారికి తెలిసినా.. ఎటువంటి అపార్ధాలకూ తావివ్వకూడదనే తాను మళ్లీ చెబుతున్నట్లు వెల్లడించింది. తనకెంతో ఇచ్చిన తెలుగు ఇండస్ట్రీకి ఎప్పటికీ రుణపడి ఉంటానని, ఆ ఇంటర్వ్యూని పూర్తిగా చూస్తే విషయం అర్థమవుతుందని చెప్పింది.

Most Recommended Video

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!